Bullgaria kërkon prezencë të ushtrisë amerikane, kërcënohet Rusia!

Bullgaria u ka kërkuar SHBA-ve që të vendosin një forcë të përhershme ushtarake për të forcuar sigurinë në rajon. Ministri bullgar i Mbrojtjes, Anu Anguelov, ka diskutuar në fillim të dhjetorit me zyrtar të Pentagonit për hapjen e bazës ushtarake amerikane në Novo Selo, afër qytetit Sliven. Lajmi raportohet nga gazeta “Dneven Trud”, e cila citon burime nga ushtria bullgare.

Deri tani nuk ka ndonjë marrëveshje konkrete por nëse arrihet atëherë numri i ushtarëve amerikanë në këtë vend do të dyfishohet.

Aktivisti kundër luftës, Brian Becker, thotë se nëse kjo ndodh atëherë do të kishim dorëzim të Sofjes tek qeveria amerikane, pasi trupat “paraqesin kërcënim për sovranitetin kombëtare të popullit të Bullgarisë”. “Nuk mund të jesh një vend i lirë dhe popull i lirë dhe nga ana tjetër të kesh në tokën tënde trupa të huaj”, ka thënë ai për “Russia Today”.

Trupat amerikane kanë qenë të pranishme në Bullgari për gjashtë vite në kuadër të bashkëpunimit për mbrojtjen, që u arrit nga dy shtetet në prill të vitit 2006. Sipas kësaj marrëveshje amerikanët do të lejohen të stërkisin trupat e tyre në bazat e ushtrisë bullgare, që mbeten në komandën e Sofjes dhe me flamurin bullgar.

Prania e trupave amerikane në Bullgari do të jetë një kërcënim edhe për Rusinë dhe vende të treta. Aktualisht në Bullgari janë të pranishëm vetëm 2 500 trupa amerikane.

/Shekulli Online/Përgatiti: F.S./