A jeni të varur nga telefoni celular…?

Harrojini për disa ditë telefonat tuaj celularë/telefonat e mençur, është motoja e një aksioni botëror që ka nisur më 6 shkurt në Francë. Sipas organizatorëve të kësaj fushate – e trembëdhjeta me radhë – në botë është rritur ndjeshëm numri i njerëzve që lëngojnë nga sëmundja e “adikfonisë”…
Organizatorët shpjegojnë se – të lësh telefonin në shtëpi – nuk do të thotë të shkëputësh lidhjet me botën, përkundrazi, është mënyrë për t’u kthyer në realitet.

Termin “Adikphonia” (varshmëri ndaj telefonit celular) e ka futur në përdorim shkrimtari francez Phil Marso. Ndërkaq, në botën e mjekësisë kjo sëmundje - ose një e ngjashme – njihet me emrin nomofobi (Nomophobia).
Njerëzit që vuajnë nga kjo ‘sëmundje’, përshkruhen si persona me çrregullim psikik, të cilët – nëse humbasin telefonin celular – përjetojnë frikën se mund të mbeten të izoluar nga pjesa tjetër e botës.
Ekspertët shpjegojnë se e gjithë jeta e njeriut modern është shndërruar në telefon celular; brenda tij ai i ka kontaktet, lidhjet dhe internetin. Dhe, nëse një person bëhet i varur nga telefoni i tij celular, atëherë te ai shfaqet paniku se mund ta humbasë atë.

Çdo ditë e më shumë po shënohen raste kur njerëzit, të cilëve ua kanë vjedhur telefonin celular, bëhen depresivë. Madje, personat e gjeneratës së re u drejtohen psikologëve dhe ekspertëve tjerë.Krahas varësisë psikologjike, te disa persona ka filluar të shfaqet edhe varshmëria fiziologjike ndaj telefonit celular. Disa njerëz hanë, shëtisin, e madje edhe flenë me telefon celular afër dorës – dhe po ky aparat i zgjon edhe nga gjumi. Ekspertët bëjnë thirrje që të mos harrohen edhe pasojat e mundshme negative nga rrezatimi që lëshojnë telefonat celularë derisa ne flasim me ta./zeriinfo/

jo pasi skam cel