Rruga Tiranë-Elbasan të quhet Sokol Olldashi!

Në rrjetet sociale shumë qytetarë kanë përkrahur nismën që rruga Tiranë-Elbasan të mbajë emrin “Sokol Olldashi”. Grupe të ndryshme janë krijuar, të cilët i kërkojnë kryeministrit, Edi Rama që në kujtim të ish-ministrit të Transportit të merret një vendim i tillë.

“Ftesë për Kryeministrin Edi Rama. Propozoj Qeverisë, Opozitës, Parlamentit, Presidentit të Republikës së Shqipërisë, që në kujtim të Njeriut të palodhur dhe paharrueshëm të Demokracisë, Sokol Olldashit , që Rruga e Elbasanit të mbajë emrin e tij ...!!!”, bëhet thirrje në faqe të ndryshme në rrjetin social “Facebook.

Projekti i ndërtimit të rrugës që lidh Tiranën me Elbasanin ishte projekti i fundit që Olldashi nisi si ministër i Transportit. Pikërisht në këtë rrugë, ai edhe humbi jetën në një aksident tragjik të regjistruar në mbrëmjen e së martës. /Shekulli/