Sporti kura kundër depresionit.

Një studim i fundit amerikan, i kryer nga ekspertët e Columbia University, ka dalë në konkluzionin se të gjithë adoleshentët të cilët merren me aktivitet sportiv, kanë më pak gjasa që të jenë të dhunshëm. Si rrjedhojë, sporti është ilaçi më efektiv, pasi i ndihmon të rinjtë që të mbajnë nën kontroll agresivitetin. Sipas po këtij studimi, marrja e të rinjve me sport ul ndjeshëm agresivitetin, stresin, si dhe shenjat e depresionit, sikundër redukton mundësitë për obezitet.

Pjesë e këtij studimi kanë qenë 1312 nxënës të shkollave të mesme, ku studiuesit amerikanë vunë re se ata që për më shumë se 10 ditë në muaj merreshin me aktivitete sportive, kishin më pak mundësi për tu përfshirë në banda, krahasuar me ata që bënin më pak se 1 orë aktivitet fizik. Këta të fundit rezultuan si të përfshirë në sherre me posedim armësh, etj.