Venera Lokaj, mes Amerikës dhe Prishtinës!

‘Lotët e Kosovës”, ekspozita që tronditi artdashësit amerikanë

Është një prej talentet më të spikatur të Kosovës, Venera Lokaj, e lindur dhe rritur në Deçan, tashmë prej disa kohësh gjendet në Nju Jork. Krahas fakultetit të Gjuhës dhe Letërsisë Angleze kreu edhe studimet për pikturë, e udhëhequr nga piktori Nimon Lokaj. Artistja e re ka hapur disa ekspozita personale, të cilat kanë bërë jehonë të madhe, ajo i dha një dimension të ri problemit social në pikturën e saj “Tafa i mjerë”, portret i njeriut të përvuajtur deçanas, pa shtëpi, pa bukë dhe pa kushte minimale për jetë. Kolorit të ngjeshur harmonik me gamë herë të ngrohtë të ngjyrave, me një vokacion tingëllues të intuitës së kontrolluar, veti kjo që pak e shohim të shumë artistë të rinj...

Artistja e vyer Venere Lokaj, profesoreshë dhe piktore, gjatë kohës sa punoi si profesoreshë dhe piktore në Deçan, në kullat- shkollë, “portreti” aromën e kullave shekullore të Rrafshit të Dukagjinit që, përveç fortesës nëpër shekuj, ishin edhe shkolla të njëmendta. Përderisa fotografia, tregon atë çfarë është apo çfarë duket në një vend të caktuar, arti shfaq tregimin e asaj çfarë shihet apo është në një vend të caktuar. Megjithëse rëndësinë dhe përshtypjen ndaj këtyre dy zhanreve artistike gjithmonë e shfaq spektatori duke i gërshetuar me njëri-tjetrin. Dhe është detyra e artistit të realizojë këtë lidhje.

Lotët për Kosovën...

Kullat shekullore në fshatrat e Regjionit të Vokshit dhe të Rrafshit të Dukagjinit u shkretuan e u rrënuan, e artisti në mërgim filloi ciklin “Lotët për Kosovën”. 64 pikturat e vizatimet, në ekspozitën e mbajtur në Nju Jork, patën jehonë të madhe, me ç’rast artistja e re, artdashësit amerikan i njohu me tragjedinë që e goditi popullin shqiptar të Kosovës.

“Lotët për Kosovën” ekspozita ku dashamirëve të shumtë të artit iu prezantuan portrete të shumta të ndodhive të njerëzve të Kosovës martire. Artistja e hapi ekspozitën me një recitim të poezisë së saj: Heshtja që flet, lot e tokës së djegur dhe të kullave të djegura dhe të shkrumbuara të Kosovës...

Kurse shtatores së Lirisë iu drejtua me: Zonja liri, ja ku jam, i shikoi sytë e tu, a është dikush aty ? Nëse është dashuria, si mund të gjej? Nëse t’i nuk flet, si mund ta marrë mesazhin? Sy të ngrohtë dhe të ftohtë, si t’i ndalim këta lot?...

Pas hapjes së ekspozitës së dytë dhe shumë të tjera vazhdimisht media amerikane autoritative si “Nju Jork Times”, e tjera i mbushen faqet e vlerësimeve pozitive, të cilin në origjinal po u prezantojmë në tërësi:

Artistja Venere Lokaj, ka studiuar në Nju Jork, ku me sukses është duke krijuar emër në botën artistike, e cila gjë shihet edhe në valët e internetit, ku pikturat e saj sensibilizojnë opinionin botëror për tragjedinë e popullit shqiptar në Kosovë në luftën e fundit.

Venere Lokaj si piktore, artiset, shkrimtare me një përkushtim të madh ka studiuar “Afumaton” e Leonardo Da Vinçit, dramaticitetin e Rambranit, “ dritë e hijes”, sintezën e Pikasos, të Dalit e tjerë. Nga biseda të cilën e zhvilluam me këtë artiste të re dhe me perspektivë, gjithashtu mësuam se ajo e adhuron “luftën” në art... Venera artiste, yll në lindje..