Lajmet nga Kosova 

Kosova duhet të japë shembuj konkretë të luftimit të krimit të organizuar dhe korrupsionit, nëse dëshiron përshpejtimin e procesit të liberalizimit të vizave.

Ky vlerësim ka dalë si konkluzion i debateve të së hënës për procesin e liberalizimit të vizave.

Në këto debate u tha se krahas politizimit të këtij procesi në rastin e Kosovës, për shkak të mosnjohjes së saj nga pesë vendet anëtare të BE-së, sundimi i ligjit është vendosur tashmë si një prej sfidave, krahas kushteve të njëjta që kanë vlejtur për vendet...

Shqiptarët e Luginës së Preshevës kanë vendosur flamurin kombëtar në disa nga qendrat e votimit, ku sot votohet për të zgjedhur presidentin serb, deputetët dhe drejtuesit lokalë, raporton agjencia e lajmeve NOA.al.

Lajmin e bën me dije agjencia kosovare “Presheva Jonë”, e cila raporton se në disa vendvotime të Kosovës, ku po votojnë pakicat serbe, si në veri të Mitrovicës dhe Zubin Potok janë vënë flamujt e Serbisë.

Por, sipas agjencisë në disa qendra...

Bashkimi Evropian, në faqen zyrtare të internetit, ka hequr Kosovën nga harta e Serbisë, por jo edhe nga harta e Evropës.
Te web-faqja www.europa.eu , në hartën e Evropës, në kategorinë e shteteve, ku me ngjyra dallohen shtetet anëtare të BE-së, shtetet kandidate dhe shtetet e tjera, Kosova figuron si pjesë e Serbisë në kategorizimin “shtetet tjera evropiane”.

Harta e Serbisë, pas klikimit, nuk e përfshinë më Kosovën. Ndërsa, te të dhënat që flasin...

Kryesia e Kuvendit të Kosovës ka refuzuar të thërrasë mbledhje të jashtëzakonshme të Parlamentit, të kërkuar me peticionin e Vetëvendosjes, me 15 mijë nënshkrime qytetarësh. Kryetari i Kuvendit Jakup Krasniqi ka thënë se këtë të drejtë e kanë vetëm presidentja, kryeministri si dhe kërkesa me nënshkrimin e 40 deputetëve.

Ai në deklaratën pas mbledhjes megjithatë ka lënë të kuptohet se është i pakënaqur me fusnotën. Kryetari i Kuvendit, Jakup Krasniqi, tha se legjislativi...

Kreu i Kuvendit, Jakup Krasniqi, është shprehur se shpallja e pavarësisë në këtë sallë ishte një akt historik dhe sublimues i luftrave të shumë brezave.

”Mosha e shtetit tonë është e re, por ideali i popullit tonë për liri është shumë i vjetër. Duhet të mësojmë fëmijët, të duan vendin e shenjtë, por edhe të përgatiten për të bërë vepra të mëdha për të. E ardhmja është në duart tona, duhet ta ndërtojmë atë”, u shpreh


Ndërsa në fjalimin e saj, presidentja e Kosovës,...

Ndërpriten kërkimet deri sot në mëngjes, shumë ftohtë, nuk ka ndriçim dhe makineritë nuk mund të hyjnë.

E vetmja e mbijetuar një pesëvjeçare, nuk mban mend çfarë ndodhi.

I ftohti në Kosovë rrëmbeu njëherësh një familje të tërë. Deri tani
janë gjetur trupa vetëm të nëntë prej tyre, ndërsa trupi i një 18-20
vjeçari nga kjo familje, Seldin Reka, nuk është gjendur ende, por ka pak
shpresa për ta gjetur atë të gjallë në kërkimet që rinisin sot, në orën
shtatë të mëngjesit. E hëna do të jetë ditë zie për të gjithë Kosovën,...

Situata në rrethin e Mirditës ka ardhur duke u përkeqësuar dhe të
gjitha komunat janë bllokuar nga bora. Banorët apelojnë për ndihmë pasi
janë gjendur të papërgatitur nga moti i keq. Trashësia e borës arrin
deri në 2.5 m duke krijuar vështirësi për lëvizje në akset rrugore
nacionale.
Ndërkaq vazhdojnë të qëndrojnë të mbyllura shkollat në
zonat veriore të bllokuara nga bora. Ndërkohë që sipas Ministrisë së
Arsimit të Shqipërisë mësimi ka filluar në ato shkolla ku transporti nuk
është problem si në zonën e Korçës, Kolonjës dhe Pogradecit.
Moti

Kryetarja e Kuvendit të Shqipërisë, Jozefina Topalli po zhvillon një
vizitë zyrtare në Liban. Fillimisht ajo u prit nga presidenti i Libanit,
Michel Sleiman.
Qëllim i vizitës së Kryetares së Kuvendit në
Liban është edhe kërkesa për njohjen e pavarësisë së Kosovës. Kryetarja e
Kuvendit theksoi se “Rajoni ballkanik ka vuajtur shumë nga luftrat dhe
genocidet por, që nga shpallja e pavarësisë së Kosovës, ky rajon
reflekton paqe e stabilitet. Deri tani e kanë njohur Kosovën, 87 vende
nga Europa, SHBA, vende të Azisë, ndaj theksoi Kryetarja e Kuvendit do...

Unë mendoj se për t’u zgjidhur përfundimisht çështja e Kosovës, duhet të
zgjidhet edhe një breng e brendshme në Kosovë, për t’u çliruar nga
serbët e Veriut dhe kush është interesuar nga këta serbë nga brendia e
Kosovës, mund të kalojnë atje në Veri dhe ajo pjesë t’i jepet Serbisë,
ndërsa Lugina e Preshevës t’i bashkohet Kosovës. Do të thotë të bëhet
shkëmbi i territoreve, për të cilin opsion unë jam dakord, kështu ka
deklaruar akademik Rexhep Qosja, për agjencinë Presheva Jonë.
“T’i
mbash me zor serbët e Kosovës dhe shqiptarët e Luginës së Preshevës...

Presidentja e Republikës së Kosovës, zonja Atifete Jahjaga ka
shpallur ditën e sotme ditë zie shtetërore, në nderim të anëtarëve të
familjeve Reka, që pësuan në fatkeqësinë natyrore në fshatin Restelicë
të komunës së Dragashit.
Të shtunën nga një ortek që u rrokullis
mbi shtëpitë në fshatin Restelicë kanë humbur jetën 9 persona, një vajzë
pesëvjeçare është nxjerrë e gjallë, ndërsa dyshohet edhe për një të
ngujuar nën borë.
Ekipet e shpëtimit kanë ndërprerë mbrëmjen e së
dielës kërkimet për të ngujuarin e fundit për shkak të motit të keq.
Kërkimet...

Të reshurat e mëdha të borës dhe ulja e temperaturave në Kosovë, deri tani kanë shkaktuar aksidente të shumta, vështirësi në komunikacion, anulime të fluturimeve, bllokim të rrugëve, si dhe probleme me furnizim me energji elektrike dhe ngrohje.

Institutit Hidrometeorologjik i Kosovës, bëri të ditur se temperaturat gjatë ditëve në vijim pritet të jenë të ulëta, deri në minus 22 gradë celsius.

Drejtori i këtij instituti, Sylë Tahirsylaj, tha se krahas vendeve të rajonit dhe më gjerë, edhe Kosova po vazhdon...

Reshjet e pandërprera të borës që kanë nisur intensivisht para një jave kanë bllokuar fshatra të tëra anembanë Kosovës. Bora që u duk se pushoi të shtunën në mëngjes, ditën e sotme (e diel) ka rinisur sërish, duke u pamundësuar borëpastruesve futjen e tyre në disa zona të thella malore të vendit, për t’i zhbllokuar nga bora banorët dhe turistët.

Sipas informacioneve nga terreni, reshjet e borës kanë shënuar rekorde në disa zona, si p.sh në disa fshatra të komunës së Kamenicës, trashësia e ortekëve borës ka arritur në...

PRISHTINË- Shpalosja e flamurit gjigant në Prishtinë nga Aleanca Kuq e Zi ka mbledhur qindra aktivistë dhe qytetarë. Flamuri, që ka udhëtuar nga sheshi i Flamurit në Vlorë ka mbuluar memorialin simbolik të pavarësisë së Kosovës ‘New Born’, duke simbolizuar kështu lidhjen mes shqiptarëve.

“Nuk ka lab apo kosovar, por vetëm shqiptar. Vlora mëmëdheu, Prishtina Atdheu”, ka deklaruar kreu i aleancës, Kreshnik Spahiu gjatë fjalës së tij, duke uruar gjithë shqiptarët me rastin...

Ministria e Punëve të Brendshme ka konfirmuar se nga sot do të fillojë lëshimin e pasaportave biometrike.

Ministria tashmë ka bërë të gjitha përgatitjet, tha për Radio Kosovën, Fisnik Rexhepi, këshilltar i Ministrit të Brendshëm të Republikës së Kosovës.
Ky është njëri nga kriteret në procesin e liberalizimit të vizave, dialogu për të cilin pritet të filloj në fund të dhjetorit.
Qeveritarët në Kosovë flasin për një afat rekord të përmbushjes së kritereve, ndërsa përfaqësues nga Bashkimi Evropian...

Pas paralajmërimeve të kryetarit të Asamblesë Nacionale të Kuvajtit, Jasem Mohamad Al Kharafi, Kuvajti edhe zyrtarisht e ka njohur Republikën e Kosovës, duke u bërë vendi i 85 që njeh shtetin tonë.

Zyrtarë të Ministrisë së Punëve të Jashtme kanë konfirmuar se Qeveria e Kuvajtit ka njohur shtetin e Kosovës, ndërsa pritet që sot notën verbale t’ia dorëzojnë ministrit të Jashtëm, Enver Hoxhaj, i cili po zhvillon një vizitë zyrtare në Kuvajt.

Ndryshe, të shtunën kryetari i Asamblesë Nacionale të Kuvajtit,...

Katër persona kanë vdekur si pasojë e një aksidenti që ka ndodhur
rreth orës 18.00 të ditës së shtunë në rrugën Prishtinë-Pejë, në hyrje
të Pejës.


Aksidenti ka ndodhur si pasojë e shpejtësisë tejet të madhe të dy
veturave të përfshira në akident, ku dy pasagjerë kishin ndërruar jetë
menjëherë, ndërsa dy të tjerë janë dërguar në gjendje kritike, të cilët
pas pak kohe kanë ndërruar jetë.


Zëvendëskomandanti i komunikacionit në policinë e Pejës, Agim Pantina
i cili gjendej në vendin e ngjarjes, tha se rezultat i aksidentit është

Faleminderit” ishte fjala e vetme që ajo e tha në gjuhën shqipe.
Megjithatë, aktorja hollivudiane me prejardhje shqiptare, Eliza Dushku,
është e vendosur të jetë zëri i shqiptarëve nëpër botë. Ky është
premtimi që ka dhënë Dushku, me të mbërritur në Prishtinë. E shoqëruar
nga një ekip i madh, mes të cilëve edhe i dashuri i saj, aktori Rick Fox
e fotografi Fadil Berisha, Dushku, në orët e vona të së shtunës, është
vendosur në hotelin “Victory” në Prishtinë, raporton Koha Ditore.
Kryeqyteti ka qenë pika e fundit e agjendës së saj njëditore, pasi gjatë

Ish-presidenti egjiptian Hosni Mubarak i ka mohuar të gjitha akuzat
kundër tij në fillimin e gjyqit ndaj tij, i cili ka nisur sot në Kajro.


Mubarak është akuzuar për korrupsion dhe komplote për të vrarë
protestuesit gjatë kryengritjes së muajit shkurt që i dhanë fund
sundimit të tij afro 30-vjeçar.



Nëse shpallet fajtor për vrasjen e protestuesve anti-regjimit, ai mund të përballet me dënimin me vdekje.



Djemtë e tij, Gamal dhe Alaa, që u shfaqen në një rrethojë të hekurt,
po ashtu janë deklaruar si të pafajshëm...

Sot pritet të arrijë në Kosovë një pjesë e kontingjentit të ri të
trupave shtesë të NATO-s. Gjermania dhe Austria i janë përgjigjur
pozitivisht kërkesës së NATO-s, për dërgimin e trupave shtesë në Kosovë,
pas përkeqësimit të situatës në veri të vendit.

Kontigjenti i përbërë prej 700 ushtarësh të NATO-s do të vijnë së
shpejti në Kosovë. Një pjesë e këtij kontongjenti pritet të arrijë sot.
Gjermania do të dërgojë 550 ushtarë, ndërsa Austria 150 sosh. Zëdhënësi i
KFOR-it, Hans Diter Vihter tha se forca kryesore do të arrijë gjatë
ditëve të ardhshme....

Në të gjitha rrugët kryesore të cilat në veri çojnë në drejtim të
pikave kufitare me Serbinë, një numër serbësh për të nëntën natë kanë
bërë roje pranë barrikadave, duke pamundësuar në këtë mënyrë ushtarët e
KFOR-it të lëvizin lirshëm në këtë pjesë të Kosovës.


Nata ka qenë e qetë, ndërkohë që krerët nga strukturat paralele të
komunave veriore kanë qëndruar deri në orët e vona të natës pranë
barrikadave, duke hartuar strategjinë për veprime të mëtutjeshme.


Burime të mediave bëjnë të ditur se serbët e tubuar në Rudare, gjatë
natës...

Ambasadori
i SHBA-ve në Kosovë, Kristofer Dell, ka folur për herë të parë pas
situatës së tensionuar në veri të Kosovës, duke kërkuar që të vazhdojë
lëvizja e lirë e qytetarëve dhe të mos ketë bllokim të rrugëve nga ana e
serbëve.
Ai këto komente i bëri të mërkurën gjatë dorëzimit të
çelësave të dy minibusëve për komunën e Graçanicës dhe gjithashtu mori
pjesë në vendosjen e gurthemelit për ndërtimin e qendrës kulturore në
fshatin Badovc.

Ambasadori amerikan pas takimit me kryetarin e Graçanicës, ka dalë
për të dorëzuar çelësat për...

Kryeministri
i Kosovës, Hashim Thaçi ka thënë se shkelësit e ligjit, kontrabandistët
dhe eksponentët e krimit në veri, nuk do të kenë asnjë skutë ku të
fshihen, por do të dalin para drejtësisë së institucioneve të Republikës
së Kosovës. Këto komente, Thaçi i bëri gjatë mbledhjes së Qeverisë së
Kosovës, me ç’rast ka thënë se edhe bashkësia ndërkombëtare ka qëndrim
të njëjtë me Kosovën sa i përket situatës në veri, ku nuk do të ketë
kthim të gjendjes së para datës 25 korrik.
Nën drejtimin e
kryeministri Hashim Thaçi, Qeveria e Republikës së Kosovës...

Në përgjigje të kërkesës së NATO-s, Gjermania do të dërgojë 550 trupa
shtesë për të monituruar paqen në Kosovë, pas eksalimit të situatës
javën e kaluar.
Zëdhënësja e NATO-s, Karmen Romero, tha se "KFOR-i do të vazhdojë të
marrë masat e nevojshme brenda mandatit të tij për një mjedis të qetë
dhe të sigurt, në bashkëpunim të ngushtë me EULEX-in".

“Mesazhi ynë është shumë i qartë: dhuna është e papranueshme. Ne e
mirëpresim faktin që situata është qetësuar dhe dialogu është e vetmja
zgjidhje për situatën e tanishme”, tha Romero.

Situata...

Dy zyrtarët e qeverisë së Serbisë, Goran Bogdanoviq dhe Borko
Stefanoviq, kanë vizituar të martën serbët që ishin të tubuar në
barrikadën kryesore në Rudare, duke i porositur ata që problemi të
zgjidhet përmes dialogut dhe i kanë ftuar serbët tjerë të kthen nga
pushimet dhe të mos largohen nga veriu.


“Ju lutem që në mënyrë paqësore të shprehim dëshirën tonë dhe të mos
lejojmë që këtu të krijohet shteti i Kosovës. Duhet të kthehemi nga
pushimet dhe të jemi të gjithë këtu. Është e qartë se akoma nuk ka
mirëkuptim tek një pjesë e bashkësisë...

Drejtësia irakiane ka dënuar me vdekje tre persona për sulmin ndaj kishës vitin e kaluar, i cili rezultoi me 68 viktima.


Zëdhënësi i Këshillit të Lartë Gjyqësor, Satar Abdul Bairkdar, tha se
"personat në fjalë janë gjetur fajtorë për planifikimin dhe përgatitjen
e sulmit më 31 tetor, kur kamikazë të Al Kaidës mbajtën peng Katedralën
e Zonjës së Shpëtimit në Bagdad për orë të tëra, para se të shpërthenin
eksplozivët".


Bairkdar tha se të dënuarit kanë një muaj kohë për të apeluar
vendimin. Sipas tij, personi i katërt që ka lidhje me...

Kryeministri
i Kosovës, Hashim Thaçi, theksoi se edhe pas zhvillimeve te reja në
veri të Kosovës, nuk do të ketë kthim prapa në gjendjen status-quo.
(I
plotesuar) - Kryeministri i Kosovës, Hashim Thaçi, tha sonte se hapja e
çështjes së kufijve të Kosovës nënkupton hapje të çështjes së kufijve
të tërë rajonit. Ai i bëri këto komente në mbledhjen e qeverisë, pak
kohë pas takimit me të dërguarin e Bashkimit Evropian Robert Cooper, i
cili është ndërmjetësues i bisedimeve ndërmjet Kosovës dhe Serbisë.


* * * * * *


Qeveria...

Dy herë brenda javës Komuna e Mitrovicës ka ndihmuar me artikuj
ushqimorë banorët e tri fshatrave shqiptare të Leposaviqit, të cilat
kanë mbetur të izoluar për shkak të bllokimit të rrugës Mitrovicë-
Leposaviq nga strukturat paralele serbe.


Kamioni i FSK-së me artikuj ushqimorë, i cili ka qarkulluar nëpër
rrugë malore për këta banorë e ka shoqëruar edhe një delegacion i
komunës i udhëhequr nga kryetari i komunës, Avni Kastrati.


Në pamundësi për të arritur deri në fshatrat Bistricë, Cerajë dhe
Koshtovë, për shkak të rrugës së...

Myftiu i Kosovës, Naim Tërnava, ka vizituar sot familjen e policit
hero të Njësisë Speciale të Policisë së Kosovës, Heroit të Kosovës,
Enver Zymberi, i cili ndërroi jetë nga plagët e marra nga sulmi i
strukturave kriminale serbe në veri të vendit.


Pasi i ka shprehur ngushëllimet në emër të Kryesisë së Bashkësisë
Islame të Kosovës, në emër të besimtarëve dhe në emrin e tij personal,
myftiu tha: “Enveri ra heroikisht në mbrojte të atdheut, në mbrojte të
integriteti e sovranitet të vendit. Enveri më përkushtimin e tij ndaj
vendit është...

Kryeministri Hashim Thaçi tha se nuk do të zmbrapset nga qëllimi i tij për të shtrirë autoritetin në veriun e Kosovës.


Ai në një intervistë për agjencinë Associated Press ka thënë se ka
parë që durimi i shtetit është “keqpërdorur” nga institucionet
ndërkombëtare, të cilat kanë lejuar që rajoni verior të mbetet jashtë
kontrollit të Prishtinës.


“Nuk ka kthim mbrapa dhe nuk ka kompromis me askënd në lidhje me
sigurinë e shtetit”, ka thënë Thaçi, një javë pasi që urdhëroi dërgimin e
njësive speciale të Policisë së Kosovë për të futur nën...

Presidentja
Atifete Jahjaga, kryeministri Hashim Thaçi dhe ministri i Punëve të
Brendshme Bajram Rexhepi vizituan të hënën kampin e Njësive Speciale të
Policisë së Kosovës në Vrellë, me ç’rast u kanë dhënë mbështetje të
plotë në veprimet që mund të pasojnë në ditët e ardhshme në kuadër të
vënies së ligjshmërisë dhe kushtetutshmërisë në tërë territorin e
Kosovës.
Krerët e shtetit të Kosovës janë shprehur të bindur në
rrugëtimin drejt vënies së rendit dhe ligjit në veri të vendit, duke
thënë se për asnjë çmim nuk do të ketë kthim prapa.

“Babë, deshtëm me u nisë po nuk po na lejon policia me hip në anije
se pska ndodhë një sulm në Oslo”, ishte ky mesazhi i fundit me telefon,
që kishte pranuar Bajrush Selaci, të premten pasdite nga e bija Lejla
(17) e cila konsiderohet e zhdukur pas tragjedisë që ndodhi në ishullin
Utoya të Norvegjisë.

Para pak ditësh vetë Bajrushi e kishte dërguar të bijën e vetme,
Lejlën, tek një shoqe e saj norvegjeze me të cilën dhe në shoqërim të së
ëmës së saj do të shkonin në drejtim të Utoyas për të marrë pjesë në
kampingun veror të Partisë së Punës. Por...

Dhjetëra serbë janë mbledhur të shtunën afër Jarinjes me “shirita”
simbolikë me ngjyrë të verdhë rreth duarve, duke protestuar për shkak të
mbylljes së këtij kufiri.


Burime të Kosovapress-it kanë bërë të ditur se protestuesit me gishta
të ngritura lart në ajër, janë kthyer përballë ushtarëve amerikanë të
KFOR-it, duke i provokuar ata, mirëpo ushtarët nuk kanë reaguar.


Sipas të njëjtave burime, ata kanë protestuar në shenjë të
pakënaqësisë së tyre për mënyrën se si janë duke jetuar ditët e fundit.


“Shiriti i verdhë...

Sekretarja e Marrëdhënieve me Jashtë në Partine Socialiste të
Shqipërisë, Arta Dade, ndërsa komentoi situatën në kufi të Kosovës, vë
re se ngjarjet dëmtojnë integrimin e Serbisë në Bashkimin Evropian (BE)
dhe nuk prekin imazhin e Kosovës.

Përkundrazi, sipas Dades, lufta ndaj trafiqeve dhe kontrabandës është
një kusht i vënë nga Bashkimi Evropian (BE), për një integrim të
shpejtë të Kosovës në Evropë.

Dade rithekson mbështetjen e faktorit politik shqiptar ndaj qeverisë së kryeministrit të Kosovës, Hashim Thaçi.

Kryeministri i Qeverisë së Republikës së Kosovës, Hashim Thaçi, ka
përsëritur se veprimet e qeverisë së Kosovës për vënien nën kontroll të
vendkalimeve kufitare 1 dhe 31 në veri të vendit, kanë qenë dhe janë
veprime kushtetuese, ligjore dhe legale.
Thaçi i bëri këto komente në një konferencë të përbashkët për media me shefin e misionit të EULEX-it, Ksavier de Marnak.

Me ftesë të zv/kryeministrit të parë të Qeverisë së Republikës së
Kosovës, Behgjet Pacolli, nga data 10 deri më 11 gusht 2011, Kosovën do
ta vizitojë presidenti i Hondurasit, Porfirio Lobo Sosa, i cili njihet
si një mik i madh i shtetit tonë. Gjatë kësaj vizite, presidentin Lobo
Sosa do ta presin në takime të veçanta autoritetet më të larta
shtetërore të Kosovës, si dhe do të nënshkruhen disa marrëveshje
bashkëpunimi mes dy vendeve.

Në Mitrovicës të shtunën nuk ka gazeta, bukë dhe qumësht nga Serbia
fqinje. Megjithatë këto artikuj janë prezente, por të prodhuesve tjerë,
ndërsa akoma nuk vërehet mungesë e artikujve ushqimorë.

Nëpër dyqane buka ka arritur nga furrat e Kollashinit dhe të Rudares.

Në veri, nata ka kaluar e qetë, ndërkohë që të dy pikat kufitare kanë
qenë të mbyllura për qarkullim edhe për ata që dëshirojnë ta kalojnë
kufirin këmbë.

Në shenjë revolte për vrasjen e Policit të Kosovës, Enver Zymberi i
cili tashmë është Hero i Kosovës si dhe për djegien e pikës kufitare në
veri të Kosovës nga ekstremistët serbë, një grup qytetarësh të qytetit
të Ferizajt kanë djegur prodhimet që mbajnë mbishkrimin “Made in
Serbia”. Qytetarët ferizajas kanë thënë se prodhimet serbe nuk kanë më
vend në tregjet e Kosovës dhe i kanë ftuar bashkëqytetarët e tyre t’i
bojkotojnë në mënyrë masive këto produkte.

Edhe në Skenderaj, mbrëmjen e së premtes, në sheshin “Adem Jashari”
janë djegur publikisht...

Kryeministri Hashim Thaçi, vizitoi sot familjen e policit të vrarë
Enver Zymberi. Burimet zyrtare thanë se kreu i qeverisë Thaçi i shprehu
ngushëllimet më të thella familjes së heroit të Kosovës.

Thaçi tha se Zymberi ka qenë një nga ata që është sakrifikuar për
shtetin dhe ka bashkuar Kosovën në përpjekjen e saj për sovranitet.

Bashkë me kryeministrin, të pranishëm ishin edhe ministri i
Brendshëm, Bajram Rexhepi, një delegacion i lartë i Qeverisë dhe
kryetarë komunash.

Ministri Rexhepi tha se ka indikacione të qarta për ata që e vranë...

Kuvendi i Kosovës miratoi me 89 vota pro Rezolutën, përmes së cilës i jepet plotësisht mbështetje Qeverisë për vënien e rendit dhe ligjit në tërë territorin e Kosovës Kuvendi i ben thirrje bashkësisë ndërkombëtare që ta ndihmojë Kosovën në këtë proces. Rezoluta e miratuar në Kuvendin e Kosovës mbështet të drejtën kushtetuese të Qeverisë së Kosovës për ushtrimin e kontrollit të plotë në tërë territorin e shtetit, kërkon që të respektohen masat e reciprocitetit me Serbinë në të gjitha pikat doganore.

Thaci:Nuk ka me kthim prapa

Në seancën e sotme parlamentare...

Kryeministri Thaçi: Ministria e Diasporës do të jetë adresë e vërtetë për të gjitha nevojat dhe shqetësimet e bashkatdhetarëve tanë dhe forcimi i lidhjes së tyre me vendlindjen

Në vazhdim Qeveria ka aprovuar Platformën Vjetore të Politikës së Inteligjencës dhe Sigurisë e cila ka qëllim përcaktimin e detyrave strategjike në fushën e sigurisë dhe për të mbrojtur vlerat themelore dhe interesat e Republikës së Kosovës, mbrojtja e sovranitetit, integritetit territorial dhe rendit kushtetues.

Qeveria ka miratuar Projektligjin për Persona të Zhdukur i cili rregullon të drejtën e...

Presidentja e Republikës së Kosovës, Atifete Jahjaga prit sot në takim Kryeministrin e Republikës së Kosovës, Hashim Thaçi.

Kryeministri Thaçi, me këtë rast, uroi Presidenten Jahjaga për zgjedhjen në detyrën e re, duke i dëshiruar shumë sukses në kryerjen e saj.

Presidentja Jahjaga dhe Kryeministri Thaçi diskutuan për zhvillimet në vend dhe për bashkëpunimin e institucioneve të Kosovës në realizimin e detyrave që i presin në të ardhmen.

Me 80 vota Atifete Jahjaga kandidate e tri partive të marrëveshjes
politike në mes të PDK-së , LDK-së e AKR-së u zgjodh presidente e
Republikës së Kosovës. Ndërkaq kundërkandidatja e saj Suzanë
Novobërdaliu mori 10 vota ndërkaq të pavlefshme ishin 10 vota.
Atifete Jahjaga u zgjodh në raundin e parë të votimit pasi ajo mori
më shumë se 2/3 e votave të deputetëve të pranishëm në Kuvend dhe kështu
nuk pati nevojë që të shkohet në dy raundet e tjera të votimit.
Më pas presidentja e Kosovës Atifete Jahjaga
dha betimin si presidente ndërkaq më pas u intonua...

Atifete Jahjaga është pjestare e Policisë së Kosovës. Ajo është
zëvendësdrejtore e parë e Policisë së Kosovës. Ka gradën e koloneles dhe
është pranuar në Policinë e Kosovës menjhëherë pas themelimit të saj.
Deri më tash ka kryer mjaft detyra dhe specializime si në vedn ashtu
edhe jashtë vendit. Ka qenë në specializim në fushën e sigurisë edhe në
SHBA.
Është me prejardhje nga komuna e Gjakovës. Është e martuar me Astriti
Kuçin. Nuk ka fëmijë dhe në fletdëshminë e saj të deponuar në
Agjencionin Antikorrupsion ka shënuar se nuk ka kurrfarë pasurie pos...