Real Madridi kampion i Evropës, i dhjeti në histori të tyre !

Ramos, Bale e Marcelo, Ronaldo, janë trima të triumfit të madh, ndërsa Atletico Madridi ishte e pafat dhe në çastet e fundit i rrëshqiti trofeu për herë të parë në histori. Reali fitoi pas vazhdimeve me 4:1.

Reaal Madridi, është kampion i ri i Evropës dhe për herë të dhjetë në histori të tyre. Reali shënoi fitore pas 120 minutave me rezultat 4:1 kundër Atletico Madridit, në finalen e Champions League, e zhvilluar në Lisbonë. Ndeshja në kohën e rregullt përfundoi 1:1. Një finale që do të mbahej mend gjatë, për nga rivaliteti në fushë. Atletico ishte e pafat, e cila në minutën e 90+3 lëshoi fitoren nga dora dhe triumfin e madh. Reali ka pasur mundësi të artë në minutën e 31-të, por Gareth Bale, pas një veprimit të shpejtë, futet në 16-sh dhe kur të gjithë priten se topi do të futet në rrjetë, ai gjuajti jashtë portës. Pas pesë minutave, Godin shënoi gol, duke e shfrytëzuar edhe gabimin fatal të portierit Iker Casillas, i cili doli panevojë jashtë portës. Atletico kaloi në epërsi 0:1, duke e futur në presion të madh Realin. Në pjesën e dytë, Cristiano Ronaldo, nga gjuajtja e lirë rreth 23 metra, godet furishëm por portieri i Atleticos, Courtois, me vetëmohim grushtoi topin në korne. Atletico luajti me siguri të plotë dhe tregoi lojën të fortë. Kur të gjithë priten se Atletico do të përqafoj titulli, Sergio Ramos, me mjeshtri me kokë plasoi topin në rrjetë dhe 1:1 në minutën e 90+3, duke e dërguar ballafaqimin në vazhdime dy herë nga 15 minuta. Duhet theksuar se Diego Costa është paraqitur titullar, por vetëm nëntë minuta kur u zëvendësua nga Adrian, sepse nuk mundej të vazhdojë më shumë për shkak të lëndimit. Pas vazhdimeve Reali gjithnjë e më i mirë, Di Maria lojtari më i mirë në ndeshje, për bukuri depërtoi në mes lojtarëve të Atleticos, duke dërguar gjuajtje të fortë,, topi dëbohet deri te Bale dhe me kokë shënoi për 2:1. Marcelo në minutën e 118-të shënoi për 3:1, ndërsa pas dy minutave penallti për Realin. Cristiano Ronaldo i pagubushëm nga penalltia dhe 4:1 në minutën e 120-të. Reali fiton titullin e dhjetë në histori dhe Atletico e zhgënjyer që nuk arriti të fitoi titullin.