Ronaldo tri gola, Reali ruan kryesimin

Cristiano Ronaldo me tri gola të shënuar kontribuoi në fitoren e lartë te Realit me rezultat 5:1 në ballafaqim me Athletic Bilbaon, në ndeshjen e javës së 12-të të elitës spanjolle. Reali ruajti kryesimin me 32 pikë dhe ka një pikë më shumë se Barcelona e dyta. Reali e filloi ndeshjen furishëm, duke e shkatërruar me dy gola të shpejt skuadrën rivale. Në minutën e 19-të, Di Maria, njëri prej futbollistëve më të mirë të mbretërve në mënyrë shkollore ka futur një top brenda 16-shit dhe Higuain nuk fali rivalin dhe 1:0. Pas 11 minutave lojë, Ronaldo, ashtu si dinë dhe i ka hije, shtoi epërsinë në 2:0. Mysafirët nuk u dorëzuan, por në minutën e 40-të ngushtuan epërsinë në 2:1, kur nga afërsia shënoi Llorento. Athletico disa herë rrezikoi portën e vendasve, por shpresat e tyre për rezultat pozitiv u shuan në minutën e 67-të kur Ramos shënoi nga penalltia për 3:1.Reali thelloi rezultatin në 4:1 në minutën e 62-të nga futbollisti më i shtrenjtë në botë, Ronaldo. Ronaldo shënoi het-trikun në minutën e 90-të nga penalltia dhe 5:1. Është fitore e thellë e mbretërve dhe kësisoj janë kryesues i tabelës me 32 pikë. Fitore që shton motivin për derbin e madh të javës së ardhshme pikërisht me 29 nëntor me Barcelonën. Ky është derbi më i madh i botës dhe njëheri i 161 ndërmjet këtyre rivalëve, i cili fillon në orën 21.00.