Lazanja bolonjeze

Përbërësit (për person):

Petë lazanje 4 fije (të gatshme)

Mish i grirë vici 60 gr
Qepë 10 gr
Hudhër 1 thelpi
Vaj ulliri 10 gr
Domate 30 gr
Borzilok 2 fije
Majdanoz 2 fije
Kackavall 20 gr
Arrë moskat (një majë e grirë hollë)

Për Beshamel:

Miell 45 gr
Vezë 20 gr
Gjalpë 10 gr
Qumësht 30 gr

Pregatitja:

Fillimisht pregatisim ragu-në: vëmë në zjarr një tigan, hedhim vajin e ullirit dhe hudhrën, e largojmë për pak sekonda dhe shtojmë qepën e grirë hollë e më pas mishin e grirë. I përziejmë disa herë, dhe kur masa të bëhet homogjene shtojmë domatet, majdanozin e borzilokun, si dhe pak ujë dhe e lejmë të ziejë. Ndërkohë në një enë tjetër hedhim ujë për të zierë petët e lazanjës, shtojmë edhe pak vaj ulliri që petet të mos të ngjiten. I lejmë për aq minuta sa shprehet në paketimin e tyre. Kur lazanja të jetë “al-dente” e kalojmë menjëherë në ujë të ftohtë, e kullojmë dhe e shtrojmë menjëherë në tavën e lyer më parë në gjalpë. Shtojmë ragu-në. Mbi të pak beshamel (vezë, miell, qumësht). Kështu vazhdojme për tre shtresat e lazanjës. Në fund hedhim pjesën e mbetur të beshamelit, duke I shtuar sipër kubike gjalpi të freskët dhe pak parmesan. E fusim në furrë për 20 minuta. Para servirjes duhet lënë 10-15 minuta të pushojë.