Barcelona rrëmben pikë në Santiago Bernabeu

Real Madrid - Barcelona, thjeshtë ka qenë lojë e mirë dhe që të dy golat janë shënuar nga penalltitë. Njërën penallti e realizoi Cristiano Ronaldo për Realin dhe tjetrën Lionel Messin për Barcelonën. Derbi i madh botëror përfundoi pa fitues, 1:1. Kjo ishte ndeshja e javës së 32-të të Kampionatit të Spanjës në futboll. Mbi 80 mijë shikues ishin tubuar për të shikuar dy skuadrat më të fuqishme, me futbollistë më të mirë, dy rivalë të përbetuar e të përjetshëm. A thua me ndeshjen e sotme edhe mbaroi lufta e madhe për titull për faktin se Reali mbetet edhe më tutje me minus tetë pikë larg Barcelonës. Katalunasit për gjatë 90 minutave patën edhe më shumë raste, por edhe dominimin në disa çaste. Edhe Reali ka pasur mundësi të mira, por sulmuesit e saj u treguan të ngathët. Një barazim aspak i mirë për mbretërit, pasi i largon edhe më shumë larg nga kreu i tabelës dhe thënë më mirë i ka lënë më gjasa shumë minimale për titull. Një Real që shumë kishte shpresuar se do të ia dalë sonte t’i revanzhohet katalunasve me humbjen katastrofë në vjeshtë me shifra 5:0, por ishte e kot dhe u desh të kënaqet me një barazim. Reali gjë tjetër nuk i mbetet tash pos të mendoj për ndeshjen finale të Kupës së Mbretit, e cila zhvillohet me 20 prill, ku për rivalë do të kanë sërish një Barcelonë të fuqishme. Ndeshja fillim e mbarim ka qenë me rivalitet të madh dhe me raste shënimi, ku nuk mungoi edhe kartoni i kuq, kur në minutën e 51-të Albiol i Realit është ndëshkuar me karton të kuq.

Në minutën e 19-të, Lionel Messi ka pasur rast të qind për qind për të shënuar gol, kur doli vetëm përballë portierit Casillas, por ky i fundit ka ndërhyrë për mrekulli dhe shpëtoi rrjetën e paprekur. Katalunasit patën edhe një rast të mirë, kur Villa në minutën e 26-të deshi të kaloi portierin Casillas, por pa sukses. Barcelona kërkonte penallti, por gjyqtari nuk mendoj kështu. Pas dy rasteve të mira të Barcelonës, vjen radha te Reali. Futbollisti më i shtrenjtë në botë, Cristiano Ronaldo, brenda 16-shit pati mundësi idelae të shënoi gol, por gjuajtja e tij është bllokuar nga njëri nga mbrojtësit e skuadrës rivale.

Lionel Messi si gjithnjë i rrezikshëm për skuadrat rivale. Ai në minutën e 43-të për mrekulli është futur në zonën e mbretërve, por gjujatjen e tij të fuqishme e ka dalë për me sukses portieri Casillas, duke shpëtuar edhe njëherë portën e tij. Pas dy minutave lojë, Ramos gati sa kaloi në epërsi Realin, por ndërhyri me sukses Valdes.

Në pjesën e dytë pikërisht në minutën e 50-të Barcelona pati fat të madh. Ronaldo nga gjuajtja e lirë rreth 25 metra ka dërguar gjuajtje të fuqishme, por shtylla e poshtme pingule shpëtoi portën e katalunasve.

Në minutën e 51-të, Villa rrëzohet në 16-sh nga Albioli dhe penallti. Ndërkohë, Albiol ndëshkohet me karton të kuq dhe nga minuta e 51-të Reali mbeti pa një futbollist në fushë. Nga penalltia i pagabueshëm Lionel Messi dhe 0:1 në minutën e 52-të për Barcelonën. Messi me këtë rast ka shënuar edhe golin e 30-të në elitën spanjolle, duke e lënë me dy gola pas vetes Ronaldon, që ka 28 gola.

Xavi gati sa dyfishoi epërsinë në minutën e 61-të, por gjuajtja e tij nga rreth 15-16 metra ndalet nga tërthorsja.

Në minutën e 81-të, Marcelo pas një depërtimit të mirë, është rrëzuar dhe penallti. Cristiano Ronaldo nga penalltia ka barazuar shifrat 1:1 pikërisht në minutën e 82-të dhe njëherit shënoi edhe golin e 29-të të tij në ligë.

Barcelona gjashtë javë para përfundimit të edicionit spanjoll pothuajse edhe ka siguruar titullin e kampionit. Katalunasit tashmë i prin tabelës me 85 pikë, duke e lënë pas Realin me 77 pikë.