Fluturon 200 km/h vetëm me një... tutë

Valery Rozov është bërë protagonist i një hedhjeje spektakolare nga lartësia prej 4243 metrash

Misioni i ri dhe tjetër rekord për alpinistin rus Valery Rozov, i cili është
bërë protagonist i një hedhjeje spektakolare nga lartësia prej 4243
metrash e Grand Pilier d’Angle. I veshur me një tutë speciale
fluturuese, gjatë rënies së lirë ka kaluar shpejtësinë e 200 km/h,
përpara se të hapte parashutin dhe të zbriste në akullnajën e Brenvas
(3100 metra).
Në total, fluturimi zgjati 35 sekonda. Rozov i datëlindjes 1964, u
ngjit në këmbë deri në lartësinë e Grand Pillier D’Angle. Ndërkohë që
për shkak të erës nuk ka mundur të zbresë dot në Courmayeur, siç e
kishte programuar fillimisht. “Të qenit i pari që jam hedhur nga një
lartësi e tillë është një përvojë fantastike dhe nder i madh për mua.
Për shkak të erës nuk munda të realizoj një hedhje të shkurtër, prandaj
ishte një hedhje shumë teknike. Nuk mund t’i lejoja vetes as gabimin më
të vogël”.
Rozov, në vitet e fundit ka qenë protagonist i hedhjeve të tjera
spektakolare në malin Ulvetanna (2.931 metra), në zonën e Antarktidës
në malin Elbrus dhe nga një helikopter, duke zbritur brenda Mutnovsky,
vullkan aktiv që gjendet brenda gadishullit rus të Kamchatka.