Barça mund të humbasë Fabregasin

Kryetari i Arsenalit, Peter Hill-Vod, ka thënë se skuadra e
“topçinjve” është e lodhur nga Barcelona rreth transferimit të Cesk
Fabregasit.


Sipas tij, Arsenal dhe Barcelona, janë ende larg për të arritur
marrëveshjen për kalimin e spanjollit te Barça. Skuadra nga “Emirates”,
ende është në pritje të ofertës së re të skuadrës katalonase për
Fabregasin.


“Ata që një vjet e gjysme janë të interesuar për Fabregasin. Topi
është në fushën e tyre. Nëse ata duan të blejnë lojtarin, atëherë ata
duhet të paguajnë çmimin e duhur. Unë nuk mendoj se ne po e kërkojmë ne
shumën që është e paarsyeshme”, ka thënë Vod.


Ai ka paralajmëruar se nëse Barcelona nuk vepron shpejt, atëherë mund ta humbasin lojtarin.