Perse me dhemb koka!

Deri te dhembja e kokes në rastet më të shpeshta sjell tensioni emocional dhe tkurrja e muskujve të kokës, si dhe pjesës së qafës dhe shpinës.

Për ta shmangur dhembjen e kokes do të ishte mirë që të flini sa duhet, të mos i shmangni shujtat dhe të mos e teproni me konsumimin e kafesë. Dhembjet e kokes e ashtuquajtura Klaster janë të rralla, kurse më shumë i godasin meshkujt se sa femrat. E karakterizon dhimbja e fortë përreth syve dhe si pasojë e kësaj sytë lotojnë dhe skuqen. Deri te një dhembje koke e tillë sjellin stresi, sasia e tepruar e alkoolit dhe mënyra jo e rregullt e ushqimit. Dhembjet e kokes janë shumë të shpeshta, prandaj është e vështirë ta gjesh një person i cili së paku një herë në jetë nuk ka pasur kokëdhembje.

Koka nuk dhemb gjithmonë njësoj

Mjekët theksojnë se varësisht nga fuqia dhe kohëzgjatja e dhembjes, ekzistojnë disa lloje të dhembjes se kokes. Dhembja e kokes me tension, e cila njëherësh është edhe lloji më i shpeshtë, pacientët e përjetojnë si presion dhe tkurrje përreth kokës. Kjo tkurrje nganjëherë është më e tmerrshme se vetë dhembja. Nganjëherë zgjat vetëm gjysmë ore, e nganjëherë mund të zgjasë gjatë gjithë javës. Këtyre persona, për dallim nga ata që vuajnë nga migrena, nuk u pengon drita dhe zhurma, por mund të kenë vjellje, zemra t’u rrahë më shpejt dhe të mos u kujtohen gjërat, pra e humbin kujtesën. Shkaktarët kryesorë të dhembjes janë stresi emocional dhe çrregullimi i gjumit.

Migrena e çrregullon jetën

Migrena prek më pak njerëz në krahasim me ata që vuajnë nga dhembja e kokes me tension. Dallimi ndërmjet këtyre dy llojeve të dhembjes se kokes është se migrena shfaqet në mënyrë periodike dhe zakonisht e prek vetëm njërën pjesë të kokës. Gjatë kohës së sulmit pacientët ndiejnë mundim, u pengon drita dhe zhurma, e shpeshherë edhe vjellin. Mu për këtë, migrena edhe e çrregullon jetën e personave të caktuar, sidomos nëse kanë dhembje të shpeshta. Mjekët theksojnë se hormonet, e sidomos ai i estrogjenit, ndikojnë në lajmërimin e migrenës.

Sëmundja zakonisht fillon para të njëzetave, por ka raste kur kjo mund të ndodhë edhe pas të pesëdhjetave. Shkaktarët që ndikojnë në lajmërimin e migrenës janë të shumtë, por kryesorët janë stresi, ndryshimet hormonale dhe mungesa e gjumit. Midis faktorëve të rrezikut, sipas mjekëve, nuk anashkalohet edhe fakti se migrena mund të trashëgohet. Keshilla.net