Ndahet nga jeta në moshën 67-vjeçare,Xho Frejzër

Ish-kampioni i botës në boks për peshat e rënda, Xho Frejzër vdiq pas një beteje të shkurtër me kancerin, në moshën 67-vjeçare.
Frejzër u bë i njohur për betejat e tij me Muhamed Aliun, me emrin e
lindjes Kasius Klej, si në aspektin personal, edhe në atë profesional.
Frejzer u bë boksieri i parë që mundi Kasius Klein, duke fituar titullin
e kampionit në vitin 1971, në një ndeshje me 15 raunde në Medison
Square Garden të Nju Jorkut.

Kjo ndeshje, e cila u cilësua si gara e shekullit, u ndoq nga rreth
300 milionë njerëz në mbarë botën. Të dy boksierët u shtruan në spital
menjëherë pas ndeshjes. Xhon Frejzer doli në pension në vitin 1976, me
rekordin e 32 fitoreve, 4 humbjeve dhe një tërheqje nga gara.

Familja e ikonës së boksit tha se ai vdiq mbrëmë, në qytetin e
Filadelfias, ku banonte prej vitesh, pasi u diagnostikua me një formë të
avancuar të kancerit të mëlçisë.