Zhduket avioni i 'Air France' me 228 persona

Bombë në aeroportin francez pak minuta pas vizitës së Sarkozy

Policia ka arritur te ç'aktivizoje nje bombe qe ishte vendosur ne aeroportin 'Chalers de Gaulle', duke shpetuar keshtu jeten e qindra veteve qe gjendeshin aty. Incidenti i rende ndodhi ne kohen kur Presidenti francez ishte ne kete aeroport, ku vizitoi familjaret e pasagjereve te avionit te zhdukur. Agjencite e huaja bejne te ditur se sapo Nikolas Sarcozy eshte larguar nga aeroporti, policia arriti te gjeje dhe te c'aktivizoje ne kohe bomben e vendosur ne terminal. Ky akt terrorist shton me shume dyshimet per menyren se si i zhduk avioni francez sot paradite. Gjate gjithe dites eshte aluduar ne media se mund te kete qene akt terrorist goditja e avionit me 228 persona ne bord.


Zhduket avioni i 'Air France' me 228 persona, vazhdojnë kërkimet


Një avion francez me 228 vetë në bord dhe që udhëtonte nga Brazili në Francë është zhdukur mbi Atlantik si rezultat i një rrufeje, thonë autoritete të Air France.

Airbus dërgoi një mesazh automatik në orën 02:14, sipas orës së Grenuiçit, katër orë pasi u largua nga Rio De Zhaneiro.

Ai ishte mbi oqean kur u zhduk, duke vështirësuar kërkimet nga avionë të tjerë francezë dhe brazilianë.

Një ministër francez i tha radios France Info se avioni ishte zhdukur si nga radarët ushtarakë, ashtu dhe ata civilë dhe se aktualisht do t'i kishte mbaruar karburanti.

Ministri francez përgjegjës për transportin, Jean Louis Borloo, përjashtoi mundësinë e rrëmbimit të avionit si shkak të humbjes së avionit.

Avioni AF 447 u largua nga Rio në orën 19:00 sipas orës lokale, të dielën. Ai kishte në bord 216 pasagjerë dhe 12 ekuipazh, midis tyre 3 pilotë.

Midis pasagjerëve kishte një të sapolindur, shtatë fëmijë, 82 gra dhe 126 burra.

Detajet e kombësive të pasagjerëve nuk janë liruar menjëherë, por besohet se një numër italianësh dhe britanikësh ishin midis francezëve dhe brazilianëve.

Kërkim i gjatë

Airbus 330-200 pritej të arrinte në Paris në orën 11: 10 sipas orës lokale. Ai u zhduk rreth 300 km në verilindje të qytetit brazilian të Natal-it.

Zëdhënësi i forcës ajrore braziliane, kolonel Henry Munhoz tha për TV brazilian se avioni nuk ishte kapur nga radarët në Ishujt e Cape Verde dhe konfirmoi se forcat ajrore braziliane ishin nisur nga Fernando de Noronha për të kërkuar për avionin. Borloo tha se avionit duhet t'i kishte mbaruar karburanti. "Do të jetë një histori e gjatë dhe e dhimbshme," tha Douglas Ferreira Machando, personi që drejton hetimin. Ndersa një zëdhënëse e Air France tha se nuk kishte patur kontakt me avionin për një periudhë të gjatë kohe.


Qendra e krizës

Një nga punonjësit e Air France i tha AFP-së se njerëzit që po pritnin në aeroport për të afërmit do të qëndronin në një zonë të veçantë të aeroportit Charles de Gaulle.

"Dua të them se çdo person në Air France është tepër i tronditur dhe ndan dhimbjen e të afërmve të pasagjerëve. Ne do të bëjmë çfarë është e mundur për t'i ndihmuar ata," premtoi zoti Gourgeon.

Presidenti francez, Nicolas Sarkozy shprehu shqetësim të thellë dhe i bëri thirrje autoriteteve përkatëse të bnin ç'është e mundur për të gjetur avionin, tha zyra e tij.

Ky është incidenti i parë i madh në hapësirën ajrore braziliane që kur një avion i linjës Tam u rrëzua në San Paolo në korrik të 2007 duke vrarë 199 vetë.