Banorët e “Big Brother Albania 5″, nisin garën, ja cilët janë!

Në shtëpinë e Big Brother Albania 5 kanë hyrë banorët e këtij edicioni duke nisur kështu garën për çmimin e madh prej 100 milionë lekësh. Në fillim në shtëpi ishin protagonistë fituesit e katër edicioneve të para të cilët shijuan të parët shtëpinë dhe më pas erdhi rradha e banorëve të rinj që u futën njëri pas tjetrit duke prezantuar edhe klipet përkatëse.

Personazhet e deritanishme janë: Albulena, Anila, Arjola, Besarda, Edgar, Elvis, Emirjeta, Erion, Ermal, Florian, Gentiana, Gjon, Graciano, Liam dhe Muhamet.

Konkurentja e parë e Big Brother 5, është një vajzë, quhet Gentiana, dhe Big Brother për të është një sfidë që do t’i ndryshojë jetën. Genta tregon se vjen nga Devolli dhe kërkon të bëhet e njohur me anë të këtij formati.

Konkurenti i dytë që prezantohet është një djalë nga Prishtina, i quajtur Mehmet, por të gjithë e njohin me emrin Meti. Ai është model dhe është fëmija më i përkëdhelur mes pesë motrave e tre vëllezërve. Jeta e tij është si një film, e çdo ngjarje që i ka ndodhur e ka bërë më të fortë. Meti tregon se prej disa vitesh luan me një ekip futbolli.

Banori i tretë, është Ermali, i cili vjen nga Tirana. Bota e spektaklit nuk është e panjohur për të dhe Big Brother-in e sheh si një trampolinë drejt televizionit.

Pas Ermalit, njihemi me konkurentin tjetër, i cili quhet Elvis, është 23 vjeç dhe vjen nga Gjakova.

Hyrjet në shtëpinë e Big Brother-it vazhdojnë. Radhën e ka një vajzë, e quajtur Arjola, e cila vjen nga Pogradeci. Ajo studion për juridik në Tiranë dhe kohën e lirë e kalon me shoqërinë.

Konkurenti tjetër është Edgari, i cili vjen nga Tirana dhe Big Brother për të është thjesht sfida e rradhës. Ai është 52 vjeç, me profesion inxhinier, por drejton një emision në radio.

Pas Edgarit, do të njihemi me Emirjetën, e cila është një nënë 29 vjeçare nga Shkodra. Emirjeta është një vajzë shumë ambicioze dhe solare. Megjithëse ka ndërtuar familje në moshë të re, nuk është ndjerë aspak e kufizuar për të bërë gjërat që ka dashur në jetë. Big Brother është një prej tyre, por e vetmja gjë që do t’i mungoje pafund është djali i saj, Ergi.

Emirjetës i është rezervuar një surprizë menjëherë, ku pasi prezantohet klipi i saj, djali dhe bashkëshorti i saj gjenden në oborrin e shtëpisë së BB, për të festuar ditëlindjen e Ergit (djalit të saj). Pasi i uron ditëlindjen Ergit, është çasti që Ermirjeta të hyjë në shtëpinë e BB.

Albulena është një konkurente tjetër e përzgjedhur nga Vellai i Madh. Ajo vjen nga Prishtina, por ka jetuar kudo nëpër botë.

Pas Albulenës, rradha është për një konkurent, më një eksperiencë jetë krejt të veçantë. Ai quhet Erion, e ka jetuar që në moshën tre vjeçare në Greqi. Së fundi kthehet në Tiranë, në vendin e tij të lindjes për të filluar çdo gjë nga zero.

Për Gracianon, nuk ka klip prezantimi pasi hyrja e tij ishte surprizë. Megjithatë për ta njohur, Graciano është 20 vjeç, vjen nga Tirana dhe është balerin. Ai ka patur një sërë eksperiencash televizive. Njeriu më i rëndësishëm për të është nëna e tij, me të cilën nuk mban asnjë sekret.

Graciano është nëj djalë me një karakter të jashtëzakonshëm. Nëna e tij, Ornela, e ka lindur në moshë fare të re, kur ishte vetëm 16 vjeç. Praktikisht ata janë rritur bashkë. Pas ndarjes me bashkëshortin, Ornela ka bërë gjithçka që Gracianos mos t’i mungojë asgjë. Një nga gjërat më të çmuara për Gracianon është një varëse që ia ka dhuruar e ëma, dhe është shumë e rëndësishme për të.

Është koha për t’u njohur me një tjetër konkurent. Ai është Dj me profesion dhe jeton në Këln të Gjermanisë. Është 33 vjeç, emrin e ka Armando, por e ka ndërruar në Liam, pasi sipas tij, një Dj i famshëm duhet të ketë një emër që spikat. Ai është një person plot energji pozitive, që me siguri do t’i infektojë të gjithë në shtëpi.

Arbana i kërkon Liam-it të ulet para monitorit pasi Vëllai i Madh ka zgjedhur disa foto të tijat për t’i komentuar. Fotot paraqesin pjesë të jetës së tij, si përshembull foto të eventeve ku ka luajtur, apo foto që paraqesin profesionin e tij të dytë si asistent sterilizues i mjeteve të operacionit.

Pas Liam-it, një tjetër konkurente është Anila. Ajo është 22 vjeç e studion për biznes. Ka patur një jetë të vështirë, por nuk ka reshtur kurrë së ëndërruari. Big Brother është një ndër ëndrrat e saj.

Konkurenti i fundit që do të hyrë sonte në shtëpi është Gjoni. Ai është nga Lezha, por jeton në Venezia. Është një mashkull sharmant e që adhuron veshjet e markës. Me profesion është trikolog, e madje Arbana pyet konkurentët nëse e dinë se çfarë është ky profesion duke krijuar konfuzion tek ata.