Blerim Destani: Nuk e kam harruar të dashurën e parë!

Është një prej meshkujve më të lakuar në botën e spektaklit. Simpatik e shumë i suksesshëm jo vetëm në profesion, por edhe në marrëdhënie me femrat…Pikërisht tek marrëdhënia që ka me këto të fundit kemi ndaluar më shumë sot, ndaj po ju lëmë të shijoni përgjigjet e tij, përgjigjet e Blerim Destanit, aktorit të kthyer në një seks-simbol për femrat shqiptare.

Është e vërtetë, që puthjen e parë pasi ia keni dhënë një vajze ia keni mbathur me vrap?

Jo. Puthjen e parë ma ka marrë vajza që e pëlqeja, dhe atë, pasi ishte vonuar në takim. Pas puthjes ngela në vend, nuk lëviza. Më pëlqeu kjo mënyrë e arsyetimit të vonesës.

A është e vërtetë që dashuria e parë nuk harrohet?

Zakonisht njeriu nuk i harron apo përherë i kujton gjërat që e kanë lënduar dhe në këtë kontekst edhe kjo “dashuria e parë nuk harrohet”, përmendet si trauma e parë.

Juve, ju kujtohet cila ishte dashuria juaj e parë?

Natyrisht që më kujtohet.

A mund të flasim pak më shumë për dashurinë e parë?

Dashuria e parë është interaksioni i parë emocional i çdo njeriu dhe është e predestinuar të “mos harrohet”, pasi ajo zakonisht ndodh në një moshë shumë të re dhe si e tillë është shumë larg asaj që mund të quhet realizimi i dashurisë.

Cila është femra që lë më shumë gjurmë në mendjen e një mashkulli?

Gjurmët në mendjen e çdo njeriu ngelin pas një përjetimi të fuqishëm. Dhe tek një mashkull lënë gjurmë të tillë femrat që mashkullin e bëjnë të ndjehet më i plotë. Gjatë kohës kur ndodhin përjetimet nuk jemi të vetëdijshëm për këtë ndjenjë, pasi zakonisht kjo ndjenjë paraqitet kur mbaron përjetimi dhe fillojmë të ndjejmë se ajo femër na mungon.

Po femra që harrohet më shpejt?

Gjithçka është rezultat i përjetimit; si është përjetimi ashtu është edhe kohëzgjatja e të të kujtuarit apo të harruarit.

Çfarë është gjëja e parë që vëreni tek një femër?

Zakonisht janë detaje të vogla. Në shumicën e rasteve as ajo nuk është e vetëdijshme, që pikërisht ato detaje e bëjnë të veçantë.

A mund të joshë një femër pa fjalë? Si?

Njerëzit nuk komunikojnë vetëm me të folur. Të folurit është vetëm një nga mënyrat kryesore të të komunikuarit. Unë i çmoj komunikimet pa shumë fjalë.

I besoni dashurisë me shikim të parë apo dashurisë pas disa kohësh?

Më pëlqen mendimi i një shkrimtari gjerman, i cili thotë: “Tek dashuria me shikim të parë, duhet shikuar edhe një herë”.

A mund të bini dot në dashuri me një femër e cila nuk ju pëlqen si aktor?

Aktrimi është profesioni i jetës sime dhe është pjesë qenësore në jetën time. Por, nëse ndonjëra do të mund të bënte një ndarje të tillë, për mua do ishte një sfidë interesante.

Ju jeni shumë aktiv në Facebook e Twitter; a keni pasur ndonjëherë flirt, me
ndonjërën që keni njohur në këto rrjete sociale?

Jo. Komunikimin në FCB nuk e shoh në atë mënyrë. Unë mundohem që të jem aktiv për disa gjëra që kërkohen nga unë.

A i besoni njohjeve online?

Njohjet online janë trajtuar shumë në letërsi dhe dramaturgji, dhe keqkuptimet që mund të lindin nga një njohje e tillë janë përplot me humor të zi, pasi ka edhe mundësi për keqpërdorime.

Në një foto ku keni dalë me Anxhela Martinin duket se ka shumë kimi mes jush? Çfarë ndodhi në të vërtetë atë mbrëmje?

Ishte një mbrëmje e këndshme mes miqsh.

Juve, do t’ju pëlqente të lidheshit me një personazh të njohur?

Nuk do të më pengonte.

Cila është femra më seksi në botë sipas mendimit tuaj?

Të gjitha femrat në botë e kanë atë dimension që karakterizohet si “seksi”, por disa dinë më mirë ta shprehin e disa më pak.

Po femra më e shëmtuar (më përmendni një emër të njohur)…

Nuk ka femër të shëmtuar. Është çështje shijesh.

Ju jeni edhe shumë i pasur; do t’ju pëlqente që bashkëshortja juaj të ishte e
pasur apo nuk do ta kishit pasur problem edhe nëse do të ishte e varfër?

Gjendja materiale asnjëherë nuk ka qenë dhe nuk është prioritare tek unë. Kështu mendoj edhe për veten.

Ju konsiderojnë mashkull seksi; juve ju pëlqen vetja?

Më mjafton që ndjehem mirë.

Çfarë ju pëlqen më shumë tek vetja (e kam fjalën për pamjen e jashtme)?

Më shumë e shikoj veten se si ndjehem, se sa si dukem.

Çfarë nuk ju pëlqen?

Gjithçka është si është dashur të jetë.

Çfarë do të donit të ndryshonit?

Asgjë.

A do t’i drejtoheshit kirurgjisë plastike për të përmirësuar pamjen e jashtme?

Asnjëherë.

A ju bezdis vëmendja që media i kushton jetës private të një artisti?

Më bezdisin thashethemet që botohen, pa u konfirmuar ajo që mund të quhet lajm.

Nëse do të kishit mundësi, çfarë do të ndryshonit nga jeta juaj e tanishme?

Do të kisha dashur të kisha më shumë kohë të lirë.

Flasim pak për projektet tuaja artistike. Me çfarë po merreni tani?

Jam në përgatitje për një film që do xhirohet në Gjermani, dhe më pas më duhet të
shkoj në L.A.

Biznesi si po shkon?

Mirë shumë.

/Bluetooth/