Sedativët shtojnë rrezikun nga vetëvrasja

Sedativët dhe pilulat për gjumë, që përshkruhen për zbutjen e depresionit, angështisë dhe problemeve me gjumë, shtojnë rrezikun nga vetëvrasja për katër herë, tek njerëzit e moshuar, përfunduan shkencëtarët nga Universiteti i Goteborgut.

Studimet e deritanishme sillnin në lidhje përdorimin e ilaçeve të përmendura me vetëvrasjet tek popullata e re, përderisa u pranua mendimi se tek më të moshuarit këto ilaçe madje edhe e zbusin rrezikun nga vetëvrasja. Anders Kalrsten dhe Magda Vern nga Universiteti i Goteborgut, shqyrtuan rastet e 85 burrave dhe grave më të moshuar se 65 vjet të cilët kryen vetëvrasje, duke i krahasuar me një grup tjetër njerëzish të cilët nuk u vetëvranë.

Meqë u mor parasysh edhe ndikimi i sëmundjeve eventuale psikike, u konstatua se njerëzit të cilët përdorin sedativë apo hipnotikë shkaku i problemeve me gjumë, katër herë më shumë kanë prirje për vetëvrasje krahasuar me ata që nuk i përdorin ilaçet. Karlsten dhe Vern paralajmërojnë mjekët se do të duhej ta kishin parasysh këtë ngase sedativët dhe pilulat për gjumë shpesh ua përshkruajnë njerëzve më të moshuar. Supozimi i tyre është se ilaçet në fjalë ndoshta nxisin negativitete apo sjellje impulsive, apo problemi gjendet në faktin se ekziston mundësia që pacientët më të vjetër të marrin dozë të madhe të ilaçeve. Përveç kësaj, ekspertët suedezë theksojnë se invaliditeti apo problemet me gjumë i bëjnë njerëzit të kenë më shumë prirje për vetëvrasje.