Zemerimi mund te vrasë!

Ekziston mundësia që “të vdisni nga zemra e thyer” sipas një studimi që ka treguar se si humbja e një personi të dashur mund të dëmtoj aftësinë e trupit për të luftuar infeksionet e ndryshme

Shkencëtarët kanë zbuluar se stresi emocional nga humbja e një të dashuri mund të qoj drejt shtypjes së disa pjesëve të sistemit të imunitetit në trupin e njeriut, gjë që mund t’i bëjë personat që vuajnë vdekjen e një të afërmi më të ndjeshëm nga infeksionet e baktereve.

Zbulimet mund të ndihmojnë për të shpjeguar incidentet anekdotike te vejanët dhe vejushat të cilët kanë vdekur ditë apo edhe orë pas vdekjes së bashkëshortit/ës së tyre.

Ish ministri i Anglisë, James Callaghan, vdiq nga pneumonia në moshën 92 vjeçare më 1995, vetëm 10 ditë pas Audreyt, gruas së tij.

Muzikanti Johnny Cash, i cili vdiq nga komplikimet të lidhura me diabetin derisa ishte nën kujdes në spital më 2003 në moshën 71 vjeçari, thuhet se është dobësuar shumë nga pikëllimi për humbjen e gruas së tij June, katër muaj më herët.

Tani imunologët e Universitetit të Birminghamit kanë zbuluar se rritja e nivelit të stresit dhe depresionit të shkaktuar nga mbajtja zi mund të ndikoj në funksionimin e një tipi qelizash të bardha të gjakut të njohura si neutrofile, të cilat janë përgjegjëse për luftimin e infeksioneve bakteriale si pneumonia.

Prof. Janet Lord, e cila udhëhoqi studimin, tha: “Ka shumë anekdota në lidhje me çiftet të cilat kanë qenë të martuar prej 40 vitesh, dhe kur njëri ka vdekur atëherë tjetri ka vdekur vetëm disa ditë më vonë. Duket se këtu ka një bazë biologjike për këtë fenomen. Edhe pse zemra e thyer ka rol në vdekjen e tyre, megjithatë, ata janë duke vdekur nga dobësimi i sistemit të tyre imunitar. Ata zakonisht u ekspozohen infeksioneve”. /ikub/