Pa prerje, pa kancer

Efektet e shëndetshme të karotës dihen qëmoti, e tash u zbuluan se karota përmban efekte të fuqishme anti-kancerogjene që mbajnë vlerën e tyre madje edhe nëse karota zihet.

Efektet anti-kancerogjene të karotës mund t’i shtoni nëse e zieni të tërën. Shkencëtarët nga Universiteti Newcastle konstatuan se prerja e karotës pas zierjes mund të shton sasinë e sheqerit të saj natyral që ka efekte anti-kancerogjene. Megjithatë nëse e preni para zierjes, ajo i humb efektet e saj të shëndetshme.

“Prerja e karotës para zierjes sjell deri tek ajo që efektet e saj kryesore nutritive të derdhen në ujë ku po zihet. Nëse i zieni të tërat dhe e preni më vonë, mund të kënaqeni në shijen e tyre por edhe në efektet e shëndetshme”, deklaroi dr. Kristen Brandt, njëra prej shkencëtarëve që kryen këtë studim.

Ajo shtoi se karota e tërë e zier është shumë e shëndetshme dhe e thjeshtë për përgatitje dhe se njerëzit do të duhej t’i pranojnë shprehitë e tilla të konsumimit nëse mendojnë ta ruajnë shëndetin. Studimi dëshmoi se sheqeri natyral i karotës përmban efekte të fuqishme anti-kancerogjene me konsumimin e të cilave zvogëlohet rreziku nga kanceri.