'Një bashkëshort me qira', sherbimi me i ri ne Serbi!

Një bashkëshort që mund të gatuajë, lajë, hekurosë, të organizojë festa e të jetë i muhabetit. Nuk është më një ëndërr, të paktën jo për gratë serbe, të cilat nëpërmjet një agjencie të re që ka hapur dyert në Beograd, kanë mundësinë që të marrin me qira një burrë. Ideja është e 42-vjeçarit, Nenad Pramenkovic, i cili po ashtu ka një kompani ndërtimi. "Agjencia e ofron këtë shërbim jo vetëm për gratë që nuk kanë burrë, por edhe për familjet, pensionistët apo gjithë ata persona që kanë nevojë për shërbime të tilla",-tha Pramenkovic, teksa pinte një kafe në një lokal në qendër të kryeqytetit serb.

Ai thotë se 'të gjithë burrat' janë trajnuar që të rregullojnë diçka që mund të prishet në shtëpi, të bëjnë darkën apo të jenë shoqëri e mirë nëpër festa të ndryshme që mund të organizohen. Aktualisht kompania ka angazhuar 5 'bashkëshortë', të cilët janë të specializuar në disa fusha. Më i shtrenjti është peshkatari, i cili paguhet 40 euro në orë.

Shefi i kuzhinës paguhet 7 euro në orë. Bashkëshorti më i lirë është shoqëruesi, që paguhet vetëm 5 euro në orë. 'Bashkëshortët' variojnë jo vetëm nga kualifikimet, por edhe nga mosha. Më i riu është 19 vjeç dhe më i vjetri 60. "Kemi vetëm një muaj që kemi nisur biznesin. Nuk mund të them që kjo punë po lulëzon por për momentin jemi të kënaqur. Rëndësi ka që klientët tanë janë të kënaqur",-tha Pramenkovic. Aktualisht, agjencia ofron shërbim vetëm në Beograd, por nëse dikush kërkon një peshkatar, mund të dalë jashtë qytetit, por jo më larg se 35 kilometra. (AlbaniaS.)