Erkand Qerimaj është shpallur kampion i Europës

Peshëngritësi Erkand Qerimaj është shpallur kampion i Europës për
peshën 77 kilogranë në europianin e Antalias në Turqi, një rezultat
historik për sportin shqiptar. Qerimaj u rendit i dyti në shkëputje me
158 kg dhe i pari në shtytje me 190 kg duke merituar medaljen e artë me
348 kg në dygarësh .Shtangisti shkodran ka triumfuar përballë rumunit
Martin Razvan, duke ngritur 348 kilogramë në dy garësh dhe duke marrë
medaljen e artë. Ndërsa peshëngritësi tjetër shqiptar Hysen Pulaku u
rendit në vend të gjashtë me 336 kg në dygarësh. Medalja e Qerimajt
pason atë të argjendit të marrë nga Romela Begaj një ditë më parë, një
vendim i dyshimtë i gjyqtarëve i hoqi të drejtën peshngritëses shqiptare
të shpallej Kampione Europe në dygarësh, por falë një gare perfekte
ajo arriti të shpallet nënkampione në këtë kategori dhe Kampione Europe
në stilin e shkëputjes. Padyshim peshëngritja është një sport elitar
për shqiptarët dhe këta sportistë vëretë të bëjnë të ndihesh krenar, por
shteti duhet t’u kujtoje me shume vemendje ketyre sportisteve qe
ngrejne lart flamurin kombëtar