Si t'i humbni lehte 10 kilograme per nje muaj?

1. SHMANGNI KARBOHIDRATET E “BARDHA”

Shmangni të gjitha karbohidratet të cilat janë të bardha ose mund të jenë të tilla. Llojet e ushqimeve në vijim janë të ndaluara: buka, orizi (duke përfshirë edhe atë integral), drithërat, patatet, brumërat dhe ushqimi i përzier me bukë.



2. PËRSËRITNI VAKTET E NJËJTA

Njerëzit më të suksesshëm në dieta, pavarësisht prej faktit se a kanë për qëllim zhvillimin e muskujve ose humbjen e indit dhjamor, hanë vazhdimisht ushqime të njëjta. Ushqimet ndahen në tri grupe, ndërsa me kombinimin e tyre duhet të krijohet menyja ditore:

Proteinat: të bardhët e vezëve të përzier me një vezë të plotë, gjoks ose këmbë pule, mish gjedhi.

Bishtajat: thjerrëza, fasulja e zezë, fasulja pinto, fasulja e kuqe, soja.

Perimet: spinaqi, perimet e përziera (duke përfshirë brokolin, lulelakrën), lakra turshi, shpargulli, bizelja.

Ushqimet e sipërpërmendura mund t’i hani sa të doni, por është e rëndësishme të jenë të thjeshta. Zgjidhni tri ose katër ushqime dhe i përsëritni ato. Kuzhina meksikane është më e përshtatshmja për këtë dietë, me kusht që orizin ta zëvendësoni me perime.
Vaktet i përshtatni me orarin tuaj, por kujdesuni që vaktin e parë në ditë ta konsumoni në afat kohor prej një ore që nga koha e zgjimit. Hapësira kohore mes shujtave duhet të jetë përafërsisht katër orë.



3. MOS PINI KALORI

Pini sasi të mëdha uji ose sa të doni çaj pa sheqer, kafe me më së shumti dy lugë krem të tundur ose ndonjë pije tjetër pa kalori. Mos pini qumësht, duke përfshirë edhe atë të sojës, pije të thjeshta joalkoolike ose lëngje frutash.



4. MOS HANI PEMË

Thjesht u thoni “JO” pemëve dhe sheqerit të tyre, fruktozës, e cila shndërrohet në fosfat-glicerinë më të fuqishme sesa të gjitha karbohidratet e tjera. Fosfat-glicerina përmes mëlçisë shndërrohet në tri-glicerid dhe kështu ruhet në indin dhjamor. Shmangja e pemëve për gjashtë ditë në javë është mënyra më e mirë. Ditën e shtatë mund të hani pemë në të gjitha kombinimet e mundshme.



5. ÇDO JAVË MERRENI NJË DITË TË LIRË

Në mënyrë paradoksale, rritja dramatike e konsumimit të kalorive një herë në javë nxit humbjen e indit dhjamor, duke siguruar që shkalla e metabolizmit tuaj të mos vuajë nga kufizimi i theksuar i kalorive. Në ditën e kënaqësisë me ushqime nuk ka kufizime e as ndalime. Në këtë dietë nuk ka numërim të kalorive, as në ditën e ngrënies së tepërt e as ditëve të tjera. Me dietë filloni së paku pesë ditë para ditës të cilën e keni caktuar si ditën kur do të hani çfarë të doni. /ikub/