Ushqimi mediteran për jetë të gjatë!

Jeta mund të zgjatët me ushqim të shëndetshëm, e mes zarzavateve më të dobishme janë pemët, perimet, sasitë e vogla të mishit dhe 1-2 gota verë në ditë. Ndonëse mënyra mediterane e të ushqyerit shpesh lidhej me jetë të gjatë dhe të shëndosh, studimet më të reja tregojnë se jo të gjitha zarzavatet kanë dobi të njëjtë.

Shkencëtarët zbuluan se konsumimi i peshkut, prodhimeve të detit dhe prodhimeve të lehta ushqimore nuk ndikojnë në jetëgjatësi. Megjithatë, një gotë verë në ditë apo dy dhe sasitë e mëdha të pemëve dhe perimeve dhe vaji i ullirit krahas sasisë minimale të mishit të kuq sigurojnë jetë të gjatë dhe të shëndosh. Kjo është hera e parë që janë zbuluar dobitë e zarzavateve të caktuara të ushqimit mediteran dhe tash saktë dihet cilat prej tyre duhen ngrënë për jetë të gjatë dhe të shëndetshme.

Studimi më i ri që përfshiu 23 mijë njerëz zbuloi se ushqimi mediteran zgjatë jetën deri në 14 për qind, por kjo nuk referohet në të gjitha zarzavatet. “Studimi dëshmoi se një numër i madh zarzavatesh karakteristike për mënyrë mediterane të të ushqyerit i ndihmojnë organizmit të njeriut. Pak verë në ditë, pak mish dhe sasi të mëdha pemësh e perimesh janë garanci për jetë të gjatë”, shpjegoi Dimitrios Trichopoulos, profesor në Harvard dhe udhëheqës i studimit.