Gjermanët, absolutisht fantastikë – ata mund ta fitojnë “Botërorin 2014”

Sulmuesi i Suedisë, Zlatan Ibrahimovic mendon se Gjermania mund të triumfojë në Botërorin 2014, pavarësisht barazimit shokues 4-4 kundër ekipit të tij. Ekipi i Low po përballet me kritika të shumta pasi nuk arriti të menaxhonte mirë ndeshjen, nisur nga fakti që kryesonte bindshëm 4-0 dhe u “dorëzua” në 30 minutat e fundit të takimit.

“Gjermanët ishin absolutisht fantastikë në 60 minutat e para. Ndoshta kemi luajtur kundër skuadrës më të mirë në botë, që mund të fitojë Kupën e Botës”, deklaroi Ibra për “Bild”.

“Pasi shënuam golin e parë menduam se diçka mund të ndodhte. Performanca jonë ishte mbresëlënëse pasi u përballëm me një ekip të madh”, shtoi më tej lojtari i Paris Saint-Germain.

Më 14 Nëntor, kombëtarja gjermane do të zhvillojë një takim miqësor me Holandën. /BS/