Riprodhohen ne epruvete hapat e pare te jetes!

Për herë të parë është gjeneruar në laborator një qelizë primitive e ngjashme me atë që katër miliard vite më parë mund të ketë shenjuar fillimin e jetës mbi Tokës. Rezultati i publikuar në revistën “Nature Chemistry”, është arritur nga grupi i “Penn State University”, nën koordinimin e Christopher Strulson. Duke përdorur makromolekula të quajtura polimere, kërkuesit kanë arritur të formojnë struktura të ngjashme me qelizat primitive.

Gjithashtu e kanë përzierë me RNA (materiali gjenetike që thuhet se ka paraprirë shfaqjen e ADN-së) dhe kanë treguar sesi molekulat duhet të reagonin kimikisht ndaj kushteve të njëjta me ato që kishte Toka në fazën fillestare. “Treguam – ka shpjeguar kërkuesi Philip Bevilacqua – që në mënyrë që RNA të bëjë diçka duke reaguar kimikisht, duhet të ndahet në kompartimente, si një qelizë. Dhe ky mekanizëm i ndarjes – përfundon – mund të ketë dhënë katalizën e një ambienti tokësor fillestar”. /ikub/