Fundi i botes ne 2012-n, duket se e konfirmon nje shkrim i Maya!

Po studiohet një shkrim i gjetur në Comalcalco të Meksikës dhe që mund t’i referohet Apokalipsit të Profecisë

Një referim mbi Apokalipsin e parashikuar nga Maya në dhjetor 2012 figuron në një shkrim të gjetur në tempullin e Komalcalco në Meksikë. I konsideruar si një prej vendqendrimeve të fundit të Mayas (veç atij vendi nuk gjenden më shenja të këtij civilizimi antik), tempulli është i famshëm për një shkrim që mund të jetë një referim mbi profecinë e shumëpërfolur. Shkrimi në fjalë, që gjendet në një fytyrë të skalitur në një gur, është dërguar në një institut për t’u studiuar.

Por ky nuk është elementi i vetëm që bën unik vendin arkeologjik të Comalcalco, në shtetin e Tabascos. Falë projektimi të veçantë arkitektonik, duke rrahur duart, ndihet një jehonë që të kujton britmën e bretkosave. “Një mënyrë për të rithirrur Chac, Zoin e shiut”, ka shpjeguar arkelogu përgjegjës i këtij vendi. “Comalcalco është një pikë referimi në botën e Mayave – ka deklaruar arkeologu Benito Jesus Venegas -, është e ndërtuar me gurë të realizuar me një teknik të veçantë fabrikimi, ardhur si rrjedhojë e mungesës së materialeve të zonës”. Për më tepër, varret e atjeshme kanë hedhur dritë mbi rite funebër dhe mënyrën sesi Mayat konceptonin vdekjen: një formë jete, një kufi ëq duhej kaluar për t’u ribashkuar me natyrën.