Toptan në vizitë treditëshe në Kosovës

Kryetari i Kuvendit të Madh të Turqisë, Koksal Toptan, ka mbërritur të dielën për një vizitë treditëshe në Kosovë të cilën e ka filluar me pjesëmarrjen në shënimin e njëvjetorit të Odës Ekonomike Kosovaro Turke.

Toptan i shoqëruar me një delegacion deputetësh pritet që të hënën të zhvillojë takim me homologun Jakup Krasniqi.

Ai më pas do të takohet edhe me Presidentin Fatmir Sejdiu si dhe me Kryeministrin Hashim Thaçi, përpara se të shkojë në takim me Ministrin e Ambientit dhe Planifikimit Hapësinor Mahir Yakcilar.

Toptan pritet që ndërkohë të martën të zhvillojë një vizitë tek trupat turke në rajonin e Prizrenit dhe po atë ditë të niset për në Mal të Zi.