Vajrat e fytyrës!

Meqenëse janë të pasur me acid të yndyrshëm esencial, vajrat janë baza e ushqimit të lëkurës pasi e mbajnë atë të hidratuar. Të mos harrojmë që hidratimi nuk është një proces fiziologjik i lëkurës, por duhet plotësuar nga ne. Vajrat mbrojnë mbulesën acide të lëkurës, rindërtojnë barrierën e yndyrës që kërcënohet nga faktorët atmosferikë të ashpër sidomos në dimër: temperaturat e ulëta, smogu, klima e thatë apo shumë e lagësht, gripi apo stresi. Vajrat veprojnë si mbështetës aktivë të produkteve të tjera kozmetike të përditshme, duke bërë të mundur që të depërtojnë në nivelet e poshtme të epidermës. Përveç kësaj, mund të përshpejtojnë shërimin e lëkurës në raste plagësh apo tharjesh, sepse krijojnë një barrierë yndyre.

Në disa raste, vajrat mund të jenë më mirë se sa një krem i rëndë, sidomos në raste problemesh serioze të lëkurës. Për këtë duhet kuptuar dallimi midis kremrave dhe vajrave: kremrat hidratuese janë përzierje vajrash me ujin, kurse vaji është thjesht vaj i pastër. Për më tepër, mbulesa acide e lëkurës sonë përmban sebum, keramide, trigliceride, acide esenciale yndyrore dhe ujë. Hidratuesit stimulojnë strukturën e lëkurës, duke e hidratuar në sipërfaqe. Atëherë, pse të zgjedhim vajin në vend të një kremi? Sepse në kushte ekstreme, vaji hidraton, qetëson, rinon lëkurën më shpejt dhe pa asnjë acarim.

Nëse lëkura është e yndyrshme apo gjysmë e thatë, vaji mund të krijojë shkëlqim të tepërt në fytyrë. Në të vërtetë, ndonjëherë shkaku i lëkurave me yndyrë mund të rrjedhë nga një çrregullim i shkaktuar nga mungesa e vajrave natyrale dhe acideve të yndyrshme: për të kompensuar këtë mungesë, lëkura kërkon të prodhojë më shumë serum, shpjegojnë dermatologët. Mënyra më e mirë për të riekuilibruar lëkurën me yndyrë është përdorimi i trajtimeve të lehta që përmbajnë vajra të pastra vegjetale, biologjike, kështu që gjëndrat e yndyrës në sipërfaqe mund të ngadalësojnë prodhimin e yndyrës, sepse lëkura kompensohet nga vaji natyral për të cilin ka nevojë.

Vajrat më të këshilluar janë ai i arganit, jojoba, bërthama e kajsisë, avocado, farat e grurit, trëndafili i egër, camelia, calendula, macadamia etj. Kujdes, sa më të kushtueshëm të jenë, aq më pak të rafinuar janë, sepse kanë pësuar më pak procese përpunimi, pra janë më të pastër. Vajrat më të lira, mund të kenë elementë shtesë brenda, apo të jenë të rafinuar./living.al/