Apple, nga iPhone e iPad, tani edhe me iTv!

Zëra te pakonfirmuar nga kompania bëjnë me dije se ne krishtlindjet e viti 2014, Apple do te hedhe ne treg televizorët e pare me ekrane Lg, 55 dhe 65 police.

E ardhmja e Apple do te quhet edhe iTv. Sipas analistit japonez Masahiko Ishino, kompania nga Cupertino do te vije me një prodhim te ri, pikërisht televizorin iTv aty nga fundi i vitit 2014. Behet fjale për ekran te mëdhenj, 55 dhe 65 police, prodhimi i te cilëve do t’i besohet kompanisë Lg. Qëllimi i Apple është qe te prodhoje televizorë me monitor inteligjent te çliruar nga nevoja e përdorimit te kabllove dhe sintonizatoreve tradicionale.

Ne fakt ideja e përfshirjes se Apple edhe ne fushën e prodhimit te televizorëve ka qene një dëshirë e vjetër e Steve Jobs, qe bashke me këtë, presupozonte edhe revolucionarizimin e tregut te televizorëve me te njëjtën strategji qe ai kish punuar me pare ne fushën e prodhimit te dispozitiveve mobile.