Këshilla bukurie nga Nicole Scherzinger!

Këngëtarja atraktive, Nicole Scherzinger, në një intervistë për magazinën ‘Look’ është përgjigjur në pyetje rreth mirëmbajtjes, ku këngëtarja nuk ka hezituar të zbulojë fshehtësinë e dukjes së saj të bukur, ndërsa ka zbuluar edhe çfarë na nevojitet që përveç dukjes të kemi edhe shpirt të qetë.

Në pyetjen se çfarë ndodhet në çantën e saj të plazhit, Nicole është përgjigjur. “Kremi për rrezitje, vaj kokosi, uji dhe muzika”, ka thënë këngëtarja e cila ka potencuar se muzika është e domosdoshme për relaksim, ndërsa ka treguar se play lista e saj përbëhet nga hitet aktuale, kurse ka nënvizuar se këngët e legjendës së muzikës regge Bob Marley nuk mungojnë kurrë.
“Secili pushim duhet të përcillet me muzikë. Unë dëgjoj “Murder She Wrote”, “Chaka Demusa”, “Drunk in love” nga Beyonce dhe normalisht Bob Marley”, tha ajo.

Ndërkaq për mirëmbajtjen e lëkurës gjatë stinës së verës, ajo ka këshilluar. “Më e rëndësishmja është kremi i rrezitjes. Mundohuni që gjithmonë të blini krem hidratues me faktor mbrojtës. Mundohuni që mos të përdorni pudër, unë në fytyrë vendosi vetëm krem të bonifikuar. Verës nuk duhet ta mundojmë fytyrën me shumë makijazh”, ka thënë këngëtarja, e cila ka shtuar se aty duhet të jetë edhe gardëroba adekuate për verë, të cilën Nickole për vete e ka dizajnuar ajo.