Binjakët, më pak prirje për vetëvrasje

Një grup i psikologëve danezë përfundoi studimet disavjeçare të sjelljes së binjakëve dhe përfundoi se ata kanë larg më pak prirje për vetëvrasje sesa njerëzit e zakonshëm.

Ata studiuan historitë e sëmundjeve dhe të dhënat tjera të rëndësishme të më së paku 20 mijë të binjakëve një-vezor të cilët vdiqën mes viteve 1943 dhe 1993 dhe përqindjen e vetëvrasjes në atë popullatë e krahasuan me të dhënat e popullatës së përgjithshme.

Kanë konstatuar se përqindja e vetëvrasësve mes binjakëve, pavarësisht nga gjinia, ishte jashtëzakonisht e ulët.
Rezultatet e studimit erdhën si befasi sepse disa studime paraprake flisnin se binjakët kanë më shumë prirje për sëmundje mentale sesa njerëzit tjerë.

“Këto rezultate paralajmëronin se do të duhej të ekzistonte një përqindje më e madhe e vetëvrasësve mes binjakëve sesa mes popullatës tjetër”, shkruan autorët e studimit në numrin më të ri të ‘British Medical Journal’.

“Megjithatë, rezultatet e studimeve tona treguan pikërisht të kundërtën duke konfirmuar kështu rëndësinë e lidhjeve të forta familjare dhe personale mes binjakëve”