Filmi "Gjallë" vlerësohet me çmim në Festivalin Ndërkombëtar të Filmit në Montpellier!

Edicioni i 31-të i këtij festivali u organizua në datat 23 tetor deri në 1 nëntor. Gjatë dhjetë ditëve të festivalit u prezantuan plot 46 filma, ndër të cilët 12 filma me metrazh të gjatë, 24 filma me metrazh të shkurtër dhe 10 dokumentarë.



Filmi "Gjallë" i regjisorit Artan Minarolli, pjesëmarrës në Festivalin e 31-të Ndërkombëtar të Filmit në Montpellier të Francës, është vlerësuar me një ndër pesë çmimet që jep juria e këtij festivali.

Sipas një njoftimi për shtyp të Arkivit Qëndror Shtetëror të Filmit, "Gjallë" i Minarollit ka marrë çmimin për mbështetjen teknike, që konsiderohet mjaft i rëndësishëm dhe ka vlerën e 5500 eurove.

Edicioni i 31-të i këtij festivali u organizua në datat 23 tetor deri në 1 nëntor. Gjatë dhjetë ditëve të festivalit u prezantuan plot 46 filma, ndër të cilët 12 filma me metrazh të gjatë, 24 filma me metrazh të shkurtër dhe 10 dokumentarë. Në këtë edicion të festivalit janë dhënë 5 çmime të rëndësishme si Antigona e Artë, Çmimi i Kritikës, Çmimi për Muzikën më të Mirë, Çmimi për Mbështetjen Teknike dhe Çmimi për të Rinjtë.

Për filmin "Gjallë" çmimi i marrë në Festivalin Ndërkombëtar të Filmit në Montpellier të Francës është i dyti i marrë për këtë vit, pas çmimit special të marrë në Festivalin Ndërkombëtar të Durrësit. Ndërkohë ky prodhim kinematografik është përzgjedhur për të përfaqësuar Shqipërinë

"Gjallë" është një bashkëpunim i "WILDart FILM" në Vjenë, "Art Film" në Tiranë dhe "Agat Films & Cie" në Paris.

Skena nga filmi Gjalle


Ky film u prezantua për herë të parë në Festivalin Veror Ndërkombëtar të Filmit në Durrës, ndërsa prezantimin për publikun e pati në mbrëmjen e 4 shtatorit në kinemanë 'Imperial' në Tiranë.

Në qendër të këtij filmi është një histori gjakmarrjeje, e cila kalon nga gjyshi tek nipi në një hark kohor prej 60 vitesh. Për të përcjellë tek publiku këtë subjekt interesant, të trajtuar ndryshe nga herët e tjera, ku gjithçka vinte e veshur me normalitet dhe diku me nota humori, regjisori ka zgjedhur një kast aktorësh si Nik Xhelilaj, Nijada Saliasi, Besart Kallaku, Xhevdet Ferri, Arqile Lici, Bruno Shllaku, Luljeta Bitri, Tinka Kurti, Reshat Arbana, Sulejman Dibra, etj.

Në qendër të këtij subjekti është Koli, një djalë 22 vjeçar, student në universitetin e Tiranës. Jeta e tij rrjedh normalisht deri në çastin kur ai mëson se mbi familjen e tij vazhdon të zbatohet kanuni i Lek Dukagjinit për shkak të një vrasjeje të bërë nga gjyshi i tij 60 vjet më parë.

Skena nga filmi Gjalle

Mes aventurave në kërkim të shpëtimit, Koli largohet nga shtëpia e tij për t'u transferuar në një fshat. Por jeta që bënte më parë ia vështirësonte përshtatjen dhe ndaj ai rikthehet sërisht në Tiranë pranë njerëzve dhe jetës së tij të mëparshme. Ndërsa në momentet e fundit të filmit e shohim atë tek hipën në një anije të vjetër emigrantësh ilegalë për t'u larguar njëherë e përgjithnjë nga Shqipëria. Por ironia e fatit bën që personazhi që tenton t'i largohet vrasjes nga gjaksi, gjen vdekjen në mes të detit. Kjo pjesë e subjektit është huazuar prej regjisorit nga tragjedia e Otrantos, ku njëri prej të mbyturve, kishte hipur në atë anije për t`i shpëtuar gjakmarrjes.

Regjisori Artan Minarolli u lind më 13 maj 1958. Ai ka përfunduar studimet në Akademinë e Arteve, dega dramë në vitin 1982 dhe ka kryer një specializim në Danimarkë për regjisor pranë shkollës Evropiane të Filmit në vitin 1993.

Filmin e tij të parë ai e ka realizuar në vitin 1991, film-dokumentar "Për një centimetër", me të cilin fitoi çmimin e parë në Festivalin e Torinos. Filmi i parë artistik me metrazh të shkurtër vjen në vitin 1994 "Qind për qind", në bashkëpunim me Petrit Rukën, me të cilin realizoi edhe filmin "Plumbi prej plasteline" në 1996. Së fundmi ai ka realizuar dhe filmin "Kronikë provinciale".Zmadho pamjen.

Skena nga filmi Gjalle

Skena nga filmi Gjalle

Skena nga filmi Gjalle

Skena nga filmi Gjalle