Rugova, njeriu simbol për Kosovën

Akademi përkujtimore kushtuar katërvjetorit të presidentit Ibrahim Rugova

Prishtinë, 21 janar - Ikona e pavarësisë dhe shtetësisë së Kosovës, është cilësuar presidenti i ndjerë dr. Ibrahim Rugova, jo vetëm nga liderë të Kosovës, por edhe nga liderët botëror, të cilët vdekjen e presidentit Rugova e kishin quajtur “ironi të vrazhdë të historisë”.

Katër vjet më parë, më 21 janar të viti 2006, populli dhe institucionet e Kosovës, mbetën pa Prijësin që na kishte prirë me urtësi e me largpamësi në etapën më të vështirë që kaloi jo vetëm vendi ynë, po i gjithë rajoni. Lajmi për vdekjen e presidentit të parë të Kosovës, dr. Ibrahim Rugova, tronditi jo vetëm Kosovën dhe popullin e saj, por edhe mbarë botën demokratike.