Gjurmëve të Anamoravës

Libri “Gjurmime historike për Gjilanin e rrethinën”, i autorit mr. Aliriza Selmanit, profesor i historisë, flet për ngjarje të bujshme e figura të ndryshme historike të kësaj ane. Libri që sapo ka dalë nga botimi “Gjurmime historike për Gjilanin e rrethinën”, trajton probleme më të ndryshme nga historia e shqiptarëve të Anamoravës. Pra, bën fjalë për lëvizjen kombëtare për çlirim e bashkim kombëtar, duke u shtrirë edhe në lëmin e trashëgimisë kulturore e të arsimit dhe atij fetar të kësaj anë të Kosovës.

Ky libër i Aliriza Selmanit, gjithashtu bën fjalë për qëndresën dhe kontributin që kanë dhënë gjeneratat e mëhershme të kësaj ane së bashku me ato të viseve të tjera të Kosovës e më gjerë në luftën çlirimtare. Libri bën fjalë për vuajtjet, flijimet e qëndresën, por flet edhe për ngjarjet të bujshme e figura të ndryshme historike dhe krijimtarinë kulturore-historike të Gjilanit, ku pjesa dërmuese e së cilës është shkatërruar nga okupatori dhe nga mos kujdesi i pamjaftueshëm i individëve të ndryshëm.

Në librin e profesor A. Selmanit, vend më rëndësi zënë edhe rrëfimet e shumta mbi masakrat skllave-komuniste ndaj shqiptarëve të Gjilanit e rrethinës. Edhe këto të këqija jete të kaluar, autori nuk lë anash as patriotët e kësaj ane që u anatemuan, të cilët u flijuan për interesin kombëtar, si Mulla Idrizi, Haki Myderrizi, Halim Orana etj. Në anën tjetër, autori flet edhe për mbrojtjen e thesarin kulturor, material e shpirtëror të trashëguar, si dhe për shkatërrimin e qëllimshëm që iu bë kësaj pasurie të çmueshme.