Shtyhet gara e Super-G te femrat

Gara e super kombinimit (Super-G) e cila në kuadër të Lojërave Olimpike në Vancouver është dashur të mbahet të dielën është shtyrë për shkak të kushteve jo të mira atmosferike. Kjo garë është dashur të jetë e para në Lojërat e Vancouverit në kuadër të skive alpine në konkurrencën e femrave, është shtyrë pasi që sipas rregullave duhet që së paku të zhvillohet një stërvitje në lëshim para se të mbahet gara. Pasi që stërvitja është anuluar të premten, të shtunën ka qenë e pamundur të zhvillohet pasi që prioritet i është dhënë meshkujve në garën e lëshimit, garë e cila është në program po këtë ditë. Shtyrja e garës do t’i shkoj për shtati favorites kryesore për medalje të artë në lëshim amerikanes Lindsey Vonn pasi që do të ketë më shumë kohë të shërohet nga lëndimi i këmbës, i cili edhe ia ka kërcënuar pjesëmarrjen në këto Lojëra. Organizatorët e Lojërave ditëve të fundit kanë pasur probleme të mëdha me motin jo të mirë, kryesisht me mjegull, për çka edhe skitaret nuk kanë mundur të stërviten as të enjten as të premten. E njëjta ka ndodhur edhe me skitarët, te të cilët është anuluar stërvitja e planifikuar për të premten.