Nobeli për Letërsinë 1959 “iu fal” italianit Quasimodo

Origjina i mohoi çmimin Nobel për Letërsinë në vitin 1959. Kjo i ka ndodhur shkrimtares daneze Karen Blixen, e cila kryesonte listën me 55 kandidatë, sepse në çastin e shumëpritur nuk dëgjoi emrin e saj por atë të shkrimtarit italian Salvatore Quasimodo.

Tre nga katër anëtarët e komitetit e kishin përzgjedhur Blixen në krye të listës, duke lënë poshtë emra të tille si Graham Greene, Max Frisch, Andre Malraux e John Steinbeck, por origjina skandinave e penalizoi shkrimtaren.

Sekreti ka dalë në pah pas hapjes së arkivave sekrete në fillim të këtij viti. “Do të dëshiroja që çmimi t’i jepej shkrimtares”, shprehej atëherë anëtari i jurisë Anders Ostyerling. Të njëtin mendim kishin edhe Sigfrid Siëertz e Herman Gulberg, por Eyvind Johnson doli kundër, pasi sipas tij, gjatë viteve të fundit, ky çmim kishte shkuar shpesh në vendet skandinave. Ishte Johnson ai që propozoi çmimin Nobel për shkrimtarin italian Quasimodo.