Fshihni shenjat e lodhjes me grim!

Fytyra juaj e zbehtë dhe e lodhshme, pas një jave të tërë me punë dhe obligime, do të shkëlqejë me freski me anë të grimit të ngjyrave adekuate, për vetëm pak kohë. Qerpiket e gjata dhe të dendura i bëjnë sytë që të duken më të mëdhenj. Veni një shtresë shtesë rimeli në mënyrë që t’i freskoni ato dhe t’i bëni të duken më të gjata.

Pudra ngjyrë pjeshke

Pastrojeni fytyrën me facoletë të lagur dhe vini pudrën me ngjyrë delikate të pjeshkës, e cila fytyrës së zbehtë menjëherë i ofron freski.

Korrektori i verdhë

Rrathët e verdhë rreth syve më së miri i kamuflon korrektori i nuancës së verdhë. Korrektori i vënë në një shtresë të hollë duhet të vihet me kujdes rreth syve, në mënyrë që të mos grumbullohet në rrudhat e imta.

Hijet shkëlqyese

Sytë e lodhur freskoni me ngjyra të gjalla të hijeve. Efekti më i mirë arrihet nëse përdoren hijet me pluhur shkëlqyes.

Bozëkuqi delikat

Bozëkuqi i ngjyrës së portokalltë apo ‘terakota’ është i domosdoshëm meqë tërë fytyrës i jep freski. Vendoseni atë direkt në mollëza të faqeve, por kini kujdes që të mos ketë ‘kufij’ të ashpër.

Shkëlqyesi për buzë

Për buzë përdorni shkëlqyes të tejdukshëm, e jo buzëkuq të rëndë ‘mat’. Më i natyrshëm duket shkëlqimi i tejdukshëm ngjyrë kajsie.