Hakiu: “Nuk e besoj se më ka nxjerrë publiku jashtë”

Në spektaklin e së shtunës, teksa doli nga loja Mandi, Hakiu, i ftuar në spektakël për të folur rreth javës që ka kaluar jashtë shtëpisë së BB, tha se nuk e beson kurrë se publiku është ai që e ka nxjerrë nga shtëpia. Pas pyetjes që i shtroi moderatorja se çfarë mendon ai që e penalizoi e që doli në televotimin e kaluar, Hakiu u shpreh se nuk doli nga publiku, sepse nga reagimi i publikut tani që ka dalë ka kuptuar se është shumë i pëlqyer. Ai mendon se mund të ketë gabuar diku. Arbana e sqaron se ky ishte vendimi i publikut dhe i kujton se ndryshimi te përqindja ndërmjet tij dhe Mirit ishte shumë e vogël. Ndërsa shikon klipin me momentet e bukura, Hakiu nuk qesh shumë, por rri serioz duke treguar se i vjen keq që është larguar nga ajo shtëpi, nga loja. Gjithsesi për të mbetet një përvojë jashtëzakonisht e bukur dhe i mjafton që nga ky spektakël, sikur ka thënë, ka marrë çmimin si fitues moral i tij. Ai ende nuk ka ardhur në Prishtinë, meqë ka disa probleme me pasaportën.
Domenika, finalistja e parë e BB
Kjo është java e fundit për banorët dhe pas daljes së Mandit, nuk janë të gjithë finalistë. Përmes vitimeve të vetë kandidatëve, e para që ka shkuar në finale është Domenika. Miri voton për Erionin, Erioni për Mirin, Jona dhe Klodi për Domenikën, ndërsa Domi për Klodin. Kështu, banorja e parë që shkon në finale pasi ka marrë dy kandidatura është Domenika. Kështu ajo është finalistja e parë e këtij edicioni. Ndërkohë, katër banorët e tjerë do të shkojnë në nominim, si gjithnjë ku një prej tyre do të votohet për të lënë shtëpinë, pra një nominim i zakonshëm. Arbana ua komunikon këtë vendim banorëve.