Kuqi e Derby vazhdojnë me fitore

Shefki Kuqi i është gëzuar fitores së rëndësishme të skuadrës së tij, Derbyt, e cila mposhti me rezultat 2:0 Portsmouth-in, në ndeshjen e javës së 15-të të Championship (liga e dytë angleze) në futboll.

Kuqi është paraqitur plotë 81 minuta, duke shfaqur lojë mjaft të mirë. Ai është zëvendësuar nga futbollisti Adisson. Golat e fitores i shënuan Savage në minutën e 22-të nga penalltia dhe Green në minutën e 57-të. Derby arriti tri pikë të rëndësishme, të cilat e ngritën në vendin e katërt me 24 pikë.

Shqiptari me skuadrën e tij vazhdon me lojëra të mira dhe në bazë të kësaj ky ekip është ndër kandidatët për t’u ngjitur në Premier Ligë.