Turpërim dhe humbje shokuese e Skënderbeut

Shkatërrim total, turpërim dhe humbje shokuese. Ky ka qenë fati i skuadrës së shumëpërfolur të këtij kampionati, Skënderbeu i Korcës, e cila është mundur thellësisht në Vlorë, me rezultatin 4-0. Kuqezinjtë e drejtuar nga Gugash Magani kanë ”bërë festë” me “ujqërit e dëborës”, të cilët, nga cfarë kanë paraqitur në fushën e lojës. Vlonjatët nuk kanë pasur “të ngopur” me gola, si për t’i vënë “vulën” asaj lufte mediatike, që u zhvillua tërë javën para ndeshjes. Në këtë mënyrë, Flamurtari i tregon vendin rivalit të drejtpërpdrejtë në luftën për titull, Skënderbeut, ndërkohë që ka “kapur për flokësh” Dinamon, e cila ka vetëm një pikë më shumë se kuqezinjtë. Lufta për kreun e superligës, kësisoji, bëhet me e hapur dhe e ethshme se kurrë. Kur ka mbetur edhe një javë nga përfundimi i fazës së parë të kampionatit të 72-të kombëtar, edhe lufta për “kampionen“ simbolike të dimrit është tërësisht e hapur. Po të kihet parasysh se Skënderbeu do të presë në shtëpi Dinamon, ndërsa Flamurtari do të udhëtojë drejt Elbasanit, pas 1 jave.