Ligji s’e ndalon kandidimin e Haradinajt

Ramush Haradinaj do t’i prijë listës së Aleancës për Ardhmërinë e Kosovës (AAK) për Kuvendin e Kosovës, pavarësisht faktit se ai momentalisht gjendet në Hagë, duke pritur fillimin e gjykimit nga Tribunali Ndërkombëtar për Krime Lufte në ish-Jugosllavi, i cili e ngarkon me akuza për krime gjatë luftës në Kosovë. Zyrtarët e AAK-së dhe ekspertët e së drejtës kushtetuese thonë se Ligji mbi zgjedhjet e përgjithshme nuk paraqet asnjë pengesë juridike që Haradinaj të garojë në zgjedhjet e ardhshme parlamentare dhe të certifikohet si kandidat për deputet në këto zgjedhje.