YouTube përmirëson kërkimin?

YouTube së fundmi ka gjetur një mënyrë të re për të avancuar rezultatet e saj të kërkimit nga përdoruesit, në kuadër të video-shërbimit të cilin ajo e ofron. Shtesa e re, e cila pritet të avancojë rezultatet e kërkimit thuhet se do të lëshohet gjatë ditës së sotme.Risinë e saj të fundit, YouTube e ka quajtur “smart tags”, ndërsa funksioni i ri paraqitet pas rezultatit të sugjeruar nga përdoruesi. Algoritmi i cili llogarit smart-tags bazohet në shprehitë e zakonshme të kërkimit të përdoruesve, komentet e tyre, shikimin e video-materialeve dhe parametrave tjerë të kërkimit në këtë faqe.Funksioni i ri do tu prezantohet përdoruesve përmes kanalit TestTube, që është adresa e zakonshme e kësaj faqe për lansimin e shërbimeve në versionet beta.