KQZ-ja u jep “dritën jeshile” Ramush Haradinajt e Albin Kurtit

Komisioni Qendror i Zgjedhjeve të premten ka bërë çertifikimin e partive politike që do të garojnë në zgjedhjet parlamentare të 12 dhjetorit. Në mesin e këtyre partive politike dhe bartësve të listave zgjedhore bie në sy AAK-ja me Ramush Haradinajn dhe lëvizja Vetëvendosja me Albin Kurtin. Liderët e këtyre dy partive politike u prijnë listave zgjedhore në ndërkohë që i pari, Ramush Haradinaj po mbahet në qendrën e paraburgimit në Hagë i akuzuar nga Tribunali i Hagës, i dyti Albin Kurti është dënuar nga një gjykatë e përzier mes gjykatësve të EULEX-it dhe atyre vendorë. Certifikimi i këtyre dy subjekteve politike dhe lejimi që ata të jenë bartës të listës zgjedhore të AAK-së përkatësisht të Vetëvendosjes, u jep fund “spekulimeve” se Haradinaj e Kurti nuk do të marrin pjesë në garën zgjedhore për zgjedhjet e 12 dhjetorit.Zyrtarët e Zyrës se Regjistrimit të partive politike thanë se të gjitha subjektet politike i kanë plotësuar kushtet për pjesëmarrje në zgjedhje. Nga 29 subjekteve politike, 7 i përkasin shqiptarëve,4 subjekte boshnjake, 2 turke, 8 serbëve dhe 8 subjekte nga komunitetet e tjera. Gjithashtu Zyra për Regjistrimin e Partive Politike dhe Certifikim, i rekomandoi KQZ-së të deçertifikoj kandidaten e Partisë Demokratike të Kosovës Nergjivane Dauti, nga lista e kandidatëve dhe në të njëjtën kohë të zëvendësohet me, Elfije Krasniqi dhe KQZ-ja, miratoi rekomandimin e Zyrës për Regjistrim.Share