Tirana zgjohet në festë

Tiranë - Kryeqyteti i Shqipërisë do të organizojë këto dy ditë një sërë aktivitetesh për të gjitha moshat, me rastin e anëtarësimit të vendit tonë në NATO. Organizimet e sotme të organizuara nga Bashkia e Tiranës do të vazhdojnë nesër me ato që do të organizohen nga Ministria e Turizmit, Kulturës, Rinisë dhe Sporteve.

Në sheshin “Skenderbej” do të organizohet sot, duke filluar nga ora 18:00, koncerti “Një vend, një popull, një ëndërr”. Në këtë koncert do të marrin pjesë shumë artist shqiptarë. Pranë parkut “Rinia” është planifikuar të zhvillohet një karaoke. Ndërsa, fëmijët do të kenë mundësinë të zbaviten pranë Galerisë së Arteve, në një kënd të ndërtuar posaçërisht për ta.

Policia ka marrë të gjitha masat për mbarëvajtjen normale të këtyre aktiviteteve. Në disa zona të kryeqytetit do të ketë bllokim qarkullimi për disa orë. Më poshtë do të paraqesim oraret e ndalimit të qarkullimit.

-Sheshi “Skënderbej”: ora 09:00-12:00
-Sheshi “Nënë Tereza”: ora 09:00-13:00
-Bulevardi “Dëshmorët e Kombit”: 16:00-21:00