Sulmohet me gurë tubimi i PDK-së në Prishtinë

Tubimi i paralajmëruar për të hënën në orën 18:00 i Partisë Demokratike të Kosovës (PDK), në shkollën fillore “Zenel Hajdini” në Prishtinë, është mbajtur nën ethe.Edhe pse në tubim është pritur të merr pjesë edhe kryetari i kësaj partie, Hashim Thaçi, ai megjithatë nuk është paraqitur fare. Arsyeja e mos-paraqitjes së tij, sipas zyrtarëve të kësaj partie, është se kanë marrë informata se makinat me të cilat do të vinte Thaçi në tubim, do të sulmoheshin me gurë, citojnë mediet.Ndërkohë, në oborrin e shkollës “Zenel Hajdini” është duke mbretëruar situatë e tensionuar, pasi që persona të tubuar pranë shkollës, të cilët po brohorasin pandërprerë “Isa, Isa, Isa”, kanë sulmuar me gurë zyrtarë të kësaj shkolle, duke thyer me këtë rast disa xhama të objektit shkollor.