8 dhjetori”, Aleksandër Biberaj: Të zbardhet vrasja e Azem Hajdarit, krimi i shekullit

Anëtari i Kryesisë së PDSH-së dhe ish-zv.Presidenti i Asamblesë Parlamentare të Këshillit të Europës, Dr. Aleksandër Biberaj, përshëndeti në 20 vjetorin e fillimit të Lëvizjes Studentore Antikomuniste të Dhjetorit ‘90, të gjithë studentët, që të udhëhequr nga Heroi i Demokracisë, Azem Hajdari, u ngritën më 8 Dhjetor ‘90, kundër diktaturës më të egër komuniste të Europës Jug-Lindore, duke e gjunjëzuar atë e duke themeluar më 12 Dhjetor ‘90 Partinë Demokratike, të parën parti opozitare pas rreth 50 viteve diktaturë çnjerëzore.Në një prononcim për mediat, z. Biberaj shprehu mirënjohje, nder dhe respekt për të gjithë studentët e Dhjetorit ‘90, pedagogët dhe qytetarët e Tiranës që e mbështetën lëvizjen studentore që solli edhe demokracinë e shumëpritur në Shqipëri. Homazh për Liderin e Dhjetorit ‘90, Heroin e Demokracise Azem Hajdari, si dhe apel për zbardhjen e “Vrasjes së Shekullit”; homazh per studentin-dëshmor të demokracisë, Arben Broci, dhe për të gjithë studentët, intelektualët dhe qytetarët shqiptare që dhanë jetën për përmbysjen e diktaturës komuniste, por edhe për të gjithë ata martirë të demokracisë, që kundërshtuan sundimin komunist në emër të lirisë dhe idealeve demokratike, per nje te lire dhe demokratike pjese te pandare te familjes Euro-Atlantike, se ciles i perkasim qe nga gjeneza jone kombetare, nenvizon z. Biberaj.