Berisha: Dialogu mes Kosovës dhe Serbisë - i domosdoshëm

- Kryeministri Sali Berisha dhe kolegu i tij slloven Borut Pahor ndajnë marrëdhënie identike për zhvillimet rajonale dhe rëndësinë e jashtëzakonshme të integrimeve rajonale dhe mbeten të vendosur të bashkëpunojmë në kuadrin e iniciativës së Bërdos (afër Kranjit), në mënyrë që bashkëpunimi rajonal të jetë një nga përparësitë kryesore. Këto komente u bënë sot në Tiranë, ku kryeministri i Sllovenisë ndodhet për një vizitë zyrtare. Berisha theksoi se "kufijtë aktualë të Ballkanit duhet të jenë të pandryshueshëm", ndërsa u shpreh se "dialogu midis Kosovës dhe Serbisë është i domosdoshëm". "Ka një dokument ndërkombëtar shumë të rëndësishëm që është rezoluta e OKB së të votuar pothuaj nga të gjitha vendet e botës". Berisha theksoi se Shqipëria mbetet e vendosur të përmirësojë marrëdhëniet me Serbinë në të gjitha fushat. "Kemi vlerësuar heqjen e vizave nga Serbia për qytetarët shqiptarë dhe jemi të vendosur të punojmë intensivisht për marrëdhënie të reja, miqësore me këtë vend", tha kryeministri shqiptar. Berisha vlerësoi se "Sllovenia është një avokat i rëndësishëm i përpjekjeve të Shqipërisë për integrimin në BE". Berisha falënderoi kryeministrin Pahor, për siç tha "vizitën historike në Tiranë", si dhe për mbështetjen e gjithanshme që Kryeministri dhe kombi slloven i kanë dhënë dhe i japin Shqipërisë dhe shqiptarëve si dhe qëndrimet e shkëlqyera që kanë mbajtur ndaj pavarësisë së Kosovës, paqes dhe stabilitetit në rajon.