Pogradeci i papërmbajtshëm, kampion i dimrit

Skuadra e pogradecit nuk di të ndalet, sepse nuk ka një kundërshtar që mund ta bëjë këtë gjë. Cka e ka treguar ky kampionat i kategorisë së parë, i cili është kryesuar me plot meritë nga liqenorët e drejtuar nga trajneri Ylli Cekici. Edhe në kuadrin e javës së 14-të, Pogradeci ka fituar bindshëm dhe thellë, 4-1, ndaj Gramozit, në sfidën e luajtur në stadiumin e qytetit të Lasgushit. Në këtë mënyrë, Pogradeci shpallet edhe kampion i dimrit për kategorinë e parë, duke përfituar nga ndalesa e ndjekëses më të afërt, Apolonisë, në gjirokaqstër. Atje ku luftëtari vendës ka përmbysur avantazhin e hershëm të fierakëve dhe ka marrë 3 pikë të cmuara. Në kamëz, skuadra me të njëjtin emër ka triumfuar 2-0 ndaj partizanit, që tashmë rrezikon seriozisht të zbresë edhe nga kategoria e parë. Një ndeshje pa shumë histori, ku kamzalinjtë nuk kanë pasur shumë punë me të kuqtë, që vetëm emrin kanë tashmë, asgjë tjetër të një skuadre të labdishme futbolli në vendin tonë.
Besëlidhja e lezhës ka arritur të mundë një rival për titull, Tomorin e Beratit, me rezultatin 3-1, duke mbajtur gjallë shpresat e veta për t#u ngjitur në superligë.
Vlora ka mundur thellë tërbunin e pukës, me rezultatin 5-2, duke u ngjitur hap pas hapi në klasifikim dhe iu larguar fundit të ftohtë të renditjes së kategorisë së parë. Në “Roza Haxhiu” ka dalë fitimtare lushnja, që ka mundur minimalisht Mamurrasin rival, falë një autogoli të miqve, ndërkohë që vendësit kanë humbur edhe një penallti. Ada është rikther të luajë në fushën e vet, pas përmbytjeve të shumta në Shkodër dhe rrethinat e saj, ku ka mundur me rezultatin 2-1 Burrelin, ndërkohë që në Bilisht, skuadra vendëse ka triumfuar minimalisht, 1-0, ndaj Gramshit.