Merkel uron Berishën me rastin e heqjes së vizave

Kryeministri i Shqipërisë, Sali Berisha mori një letër urimi nga kancelarja gjermane Angela Merkel, e cila e cilëson heqjen e vizave për Shqipërinë, një moment historik për popullin shqiptar.
Merkel shprehet se ky vendim, jo vetëm që do të lehtësojë marrëdhëniet ekonomike, por gjithashtu edhe kontaktet ndërpersonale midis qytetareve të Evropës.
Më gjerësisht në këtë letër thuhet: "Heqja e kërkesës për viza për udhëtime në zonën Shengen është me të vërtetë moment historik për popullin shqiptar. Ky vendim jo vetëm që do të lehtësojë marrëdhëniet ekonomike, por gjithashtu edhe kontaktet ndërpersonale midis qytetareve të Evropës.
Shqipëria tashme ka arritur këtë objektiv të rëndësishëm për qytetaret e saj. Unë jam e kënaqur për sigurimet tuaja se qeveria shqiptare po punon për parandalimin dhe mënjanimin e abuzimeve te mundshme me liberalizimin e vizave. Kjo është ne interesin e te gjithë neve", thekson në letrën e saj kancelarja gjermane Angela Merkel.